ஒரு விவசாய நண்பரின் ஆதங்கம்.

இப்படி இருந்தா, இதே நிலை தொடர்ந்தா...  நம் நாட்டின் நிலை என்ன..?

சென்றமாதம் என்னுடைய வயல் அறுவடையானது
அதில், கதிர் அறுக்கும் எந்திரம் மூலம் அறுவடையான
வயல் போக ஒரு அரை ஏக்கர் நெற்பயிர் பச்சயா இருக்கு
பிறகுதான் அறுக்கமுடியும் என்று சென்றுவிட்டனர் .

சென்றவாரம் அந்த அரை ஏக்கர் நெற்பயிரை அறுப்பதற்கு
கதிர் அறுக்கும் எந்திரம் அனைத்தும், அறுவடை சீசன் முடிந்து
ஆந்திரா, கர்நாடகம் சென்றுவிட்டதால், ஆட்களை
கொண்டு வயலை அறுக்கும் நிலையாகிவிட்டது .

அந்த அரை ஏக்கர் நெற்பயிரை நான்குபேர் மூன்று நாள்
முழு நேர வேலையில் ஒரு ஆளுக்கு ரூபாய் 350 + சாப்பாடு
ரூபாய் 40 = ரூபாய் 390 மொத்தம் 12 ஆட்களுக்கு ரூபாய் 4680
கொடுத்து அறுத்து பண்ணிரண்டு மூட்டை நெல் கிடைத்தது .

ஒரு மூட்டைரூபாய் 700 க்கு நெல் வியாபாரி விலைக்கு வாங்கினார், அதில் எனக்கு கிடைத்தது 700 x 12 = 8400

பயிர் அறுப்பதற்கான கூலி ரூபாய் 4680 போக ரூபாய் 8400 இல்
மீதம் ரூபாய் 3720 கிடைத்தது .

அந்த அரை ஏக்கர் நெற்பயிரை உருவாக்க எனக்கு ஆன
செலவு எவ்வளவு தெரியுமா ..??

விதைநெல்.......................... ரூ. 600
நாற்றங்கால் செலவு .......... ரூ. 700
நாற்றங்கால் உரம் ...............ரூ. 150
நாத்து பறிக்க ....................... ரூ. 700
அரை ஏக்கர் புழுதி உழவு .... ரூ. 500
சேற்று உழவு ....................... ரூ. 600
வயல் நடவு கூலி .................ரூ. 1100
முதல் கலை எடுப்பு ............ரூ. 700
முதல் உரம் ..........................ரூ. 600
பூச்சி கொல்லி தெளித்தது ...ரூ. 450
இரண்டாம் கலை எடுப்பு .....ரூ. 500
இரண்டாம் உரம் ..................ரூ. 600
மூன்றாம் உரம் ....................ரூ. 400
பயிர் அறுப்பதற்கான கூலி ரூ. 4680

மொத்த செலவு ...................ரூ. 12280
நெல் விற்கப்பட்டது .......... ரூ. 8400

நஷ்டம் ................................ ரூ. 3880

ஒரு மூட்டை DAP உரத்தின் விலை .... ரூ. 1200

ரேசன் கடையில் மாதம் பத்து ரூபாய்க்கு இருபது கிலோ
அரிசி கிடைப்பதால், வயல் வேலை செய்ய யாரும்
முன்புபோல நெல்லை கூலியாக பெற மறுக்கின்றனர்
வயல் வேலை செய்ய பணம்தான் வேண்டும் என்கின்றனர்.

திருவையாறு பகுதியில் வயல் வேலைக்கு ஆள் கிடைப்பதில்லை, சிறிய வேலைக்கு கூட வயலுக்கு உள்ளே போயிட்டு வெளியே வந்தா கூலி 350 + சாப்பாடு 40 = ரூ. 390 கொடுக்கவேண்டியுள்ளது ...

அதை அப்படியே வாங்கி கொண்டுபோய் டாஸ்மாக் கடையில்
கொடுத்து சாராயம் குடித்துவிடுகின்றனர் ...

அருகில் இருக்கும் ஆறுகளில் அதிக அளவு மணல் எடுப்பதால்
நிலத்தடி நீர் சென்ற ஆண்டு 200 அடியில் இருந்து வந்த ஆழ்குழாய் கிணற்று நீர் தற்போது 300 அடிக்கு மேல் சென்றுவிட்டது ...

விட்டு விட்டு வரும் மின்சாரத்தில் குறைந்த அளவு தண்ணீர்
மட்டுமே கிடைக்கிறது, அது நெல் விவசாயம் செய்ய
போதுமானதாக இல்லை ....

இவ்வளவு கஷ்டப்பட்டு, நஷ்டப்பட்டு நான் நெல் விவசாயம்
செய்ய வேண்டுமா ....???

இந்த வருடத்தில் இருந்து என் வீட்டுக்கு மட்டும் கொஞ்சம் நெல் பயிரிட்டால் போதும் என்ற நிலைக்கு வந்துவிட்டேன்

எனக்கு மட்டும் அல்ல ....நெல் பயிர் செய்யும் அணைத்து
விவசாயிக்கும் இதே நிலைதான் .....

விவசாயியை பாதுகாக்காமல், எவ்வளவு நாளைக்கு பத்து ரூபாய்க்கு இருபது கிலோ அரிசி கொடுக்கமுடியும் ...?

இதே நிலை நீடித்தால் என்ன ஆகும் .... ?   

நன்றி: இன்று ஒரு தகவல் பக்கம்.

இன்று வெளியிடப்பட்டுள்ள பட்ஜெட்டை பார்க்கவும்.

அதுவுமல்லாமல் ... தேர்தல் வர இருப்பதால் எல்லா கடன்களையும் வழக்கம் போல் தள்ளுபடி செய்து விடுவார்கள்.

நிறைய சலுகைகள் அம்மா தந்திருக்கிறார்கள்.

மிகவும் உண்மை.. உணவு சண்டை வரும் நாள் வெகு தொலைவில் இல்லை..

உண்மைதான் தம்பி, ஒவ்வொரு ஆண்டும் நானும் பார்த்துக்கொண்டுதான் இருக்கேன்...........................................

இதில் மழை இன்மை, மின்தட்டுபாடு ஒரு பெரிய பிரச்சனை..

சேத்தில் கால் வைத்தால்தான் சோத்தில் கைவைக்கமுடியும் என்று பாட்டளவில் மட்டுமே அவர்களை கண்ணியம் செய்கிறோம். உண்மையில் அவர்களின் நிலை ?????????????

பதிவு படித்ததும் மனது காரணமில்லாமல் கலங்குகிறது நண்பா..

   

இப்படி கஷ்டப்பட்டு ஏன் விவசாயம் செய்யவேண்டுமென்று நினைத்துத்தான் பல விவசாயிகள் தங்களுடைய விளை நிலத்தை விற்றுவிடுகிறார்கள்

kanmani singh wrote:பதிவு படித்ததும் மனது காரணமில்லாமல் கலங்குகிறது நண்பா..

உலகின் எங்கோ நடக்கும் முறையின்மைக்காக உன் மனம் கொதித்தால், நீயும் எனக்குத் தோழன் தான்!