இலங்கை ரசிகர்கள் தற்கொலை

டுவென்டி-20' உலக கோப்பை தொடரில் இலங்கை அணியின் தோல்வியை தாங்காத இரண்டு ரசிகர்கள் தற்கொலை செய்து கொண்டனர்.

நான்காவது "டுவென்டி-20' உலக கோப்பை தொடரின் பைனலில் வெஸ்ட் இண்டீஸ் அணி, இலங்கையை வீழ்த்தி, சாம்பியன் பட்டம் வென்றது. இதையடுத்து இலங்கை ரசிகர்கள் அனைவரும் சோகத்தில் மூழ்கினர்.

இதில் உணர்ச்சிவசப்பட்ட இருவர் தற்கொலை செய்து கொண்டனர். பைனலை, காலே நகரில் அமைக்கப்பட்டிருந்த "மெகா ஸ்கிரினில்' அஷான் லக்ஷித்தா, 17, என்பவர் பார்த்துள்ளார். இதில், இலங்கை தோற்க, மிகுந்த சோகத்துடன் வீட்டுக்கு திரும்பிய இவர், நேற்று காலை மாமரத்தில் தூக்கு மாட்டி தற்கொலை செய்து கொண்டார்.

இதே போல் ஹட்டன் நகரைச் சேர்ந்த மகேந்திரன் சுரேஷ், 21, என்பவரும் தோல்வியை தாங்கமுடியாமல் தனது படுக்கை அறையில் தூக்கில் தொங்கினார்.

ராஜபக்சே காரணம்

பைனலுக்கு முன் இலங்கை அதிபர் ராஜபக்சே நிருபர்களிடம் கூறுகையில்,""இலங்கை பங்கேற்ற இரு உலக கோப்பை பைனலை நேரில் கண்டேன். இரண்டிலும் தோல்வி அடைந்தது. இதனால், இம்முறை மைதானத்துக்கு செல்வதா...வேண்டாமா என்ற குழப்பத்தில் உள்ளேன்,''என்றார்.

பின் பைனலை காண நேரில் வந்தார். இவர் வந்த ராசியோ என்னவோ, இலங்கை அணி மீண்டும் தோற்றது. இது குறித்து "டுவிட்டர்', "பேஸ்புக்' போன்ற சமூக வலைதளங்களில் ரசிகர்கள் விமர்சித்தள்ளனர். ராஜபக்சேவின் துரதிருஷ்டம் தான் இலங்கை அணி தோற்க காரணம் என பலரும் குறிப்பிட்டுள்ளனர்.

இலங்கையின் கல்லறை மீது...

இலங்கை அணியின் தோல்வியை அங்குள்ள பத்திரிகைகள் கடுமையாக விமர்சித்துள்ளன. "சைக்ளோன் டுடே' என்ற பத்திரிகையில்," இலங்கை அணியை வீழ்த்தி கல்லறை ஆக்கி விட்டு, அதன் மீது வெஸ்ட் இண்டீஸ் அணியினர் நடனம் ஆடினர்,' என தெரிவித்துள்ளது.

"டெய்லி மிரர்' பத்திரிகையில்,"தென் ஆப்ரிக்க போல, இலங்கையும் பெரிய அணியாக இருந்தாலும், உலக கோப்பை தொடர்களில் கோப்பை வெல்லாமல் பைனலில் ஏமாற்றுகிறது,' என, தெரிவிக்கப்பட்டுள்ளது.

---
தினமலர்

அவனே அமைதியா இருந்து இருந்தாலும் எவனாவது ஒருத்தன் கண்டிப்பா உசுப்பேத்தி விட்டிருப்பான்

வெற்றி தோல்வியை சகிக்க தெரியாத கோழைகள்.

தினசரியில் படித்தேன். இவர்கள் என்ன சாதிக்க போகிறார்கள்? கோழைகள்.

இந்திய ரசிகர்கள் என்றைக்கும் தற்கொலை செய்து கொள்ள மாட்டார்கள் தோற்றுப்போன வீரர்கள் வீட்டைத்தான் அடித்து நொறுக்குவார்கள்

Chellam wrote:இந்திய ரசிகர்கள் என்றைக்கும் தற்கொலை செய்து கொள்ள மாட்டார்கள் தோற்றுப்போன வீரர்கள் வீட்டைத்தான் அடித்து நொறுக்குவார்கள்

இந்தமுறை அந்தமாதரி எதுவும் நடக்கல போல இருக்கு அண்ணா

வீட்டை அடித்து நொறுக்கும் அளவுக்கு இந்திய அணி கேவலமாக தோற்கவில்லை. ஒரு தோல்வி மட்டும் தானே?

ஜெயம் wrote:வீட்டை அடித்து நொறுக்கும் அளவுக்கு இந்திய அணி கேவலமாக தோற்கவில்லை. ஒரு தோல்வி மட்டும் தானே?

ம்ம்ம்ம்.....சரிதான் அண்ணா அனால் நம்ம தோற்றதனால் வேற அணி உள்ள வந்து இருந்தா வருத்தம் இல்லை ஆனால் பாக்கிஸ்தான் உள்ள வந்ததுதான் கொஞ்சம் கஷ்ட்டம்

உண்மைதான். நாம் உள்ளே வரக்கூடாது என்பதற்காக பாகிஸ்தானிடம் வேண்டும் என்றே ஆஸ்திரேலியா தோற்றது போல இருந்தது.. பாவம் இரு அணிகளுமே அரை இறுதியில் தோற்று விட்டார்கள்..

இலங்கயர்கள் ஒன்றும் தட்கொலை செய்து கொள்ளும் அளவுக்கு ஒன்றும் கோலை இல்லை இது ஒரு போய் பேச்சு இதை எல்லாம் நம்பவேண்டாம்

selvansiva wrote:இலங்கயர்கள் ஒன்றும் தட்கொலை செய்து கொள்ளும் அளவுக்கு ஒன்றும் கோலை இல்லை இது ஒரு போய் பேச்சு இதை எல்லாம் நம்பவேண்டாம்

பொய்யாக இருந்தால் மகிழ்ச்சிதான்..

ஜெயம் wrote:உண்மைதான். நாம் உள்ளே வரக்கூடாது என்பதற்காக பாகிஸ்தானிடம் வேண்டும் என்றே ஆஸ்திரேலியா தோற்றது போல இருந்தது.. பாவம் இரு அணிகளுமே அரை இறுதியில் தோற்று விட்டார்கள்..

வரக்கூடதுன்னுதன் நானும் எதிர்பாத்தேன் அண்ணா அப்படியே நடந்திருச்சு

selvansiva wrote:இலங்கயர்கள் ஒன்றும் தட்கொலை செய்து கொள்ளும் அளவுக்கு ஒன்றும் கோலை இல்லை இது ஒரு போய் பேச்சு இதை எல்லாம் நம்பவேண்டாம்

சரி நண்பா.அவ்வாறு பொய்யாக இருந்தால் மிக்க மகிழ்ச்சிதான்