உலகின் மோசமான நகரம் மும்பை: ஆய்வில் தகவல்

டிரிப் அட்வைசர் இணையதளம் நடத்திய ஆய்வில் உலகின் மோசமான நகரம் என்ற பெயரை மும்பை பெற்றுள்ளது.

உலக அளவில் உள்ள சுற்றுலாத் தலங்கள் குறித்த பல்வேறு தகவல்களை வெளியிடுவரும் இணையதளமாக டிரிப் அட்வைசர் இணையதளம் உள்ளது.

இந்த இணையதளம், தெருக்களின் சுகாதாரம், வாகன சேவை, எளிதாக இடங்களை அடைவது, குடும்பத்தினரின் நட்பு நிலை, கலாச்சார விஷயங்கள், விடுதிகள் மற்றும் ஷாப்பிங் உள்ளிட்ட பல அம்சங்களின் அடிப்படையில் ஆய்வு நடத்தியது.

இந்த இணையதளம், உலகில் உள்ள 37 நகரங்களில் ஆய்வை மேற்கொண்டது. இதில் 54 ஆயிரம் சுற்றுலா பயணிகள் தங்களது கருத்துக்களை பதிவு செய்தனர். இதன் அடிப்படையில் இந்த அறிக்கை தயாரிக்கப்பட்டுள்ளது.

உலகின் சிறந்த சுற்றுலா தளமாக ஜப்பான் தலைநகர் டோக்கியோ தேர்வு செய்யப்பட்டிருக்கிறது. லண்டன் ஒட்டுமொத்த தர மதிப்பில் 11 ஆவது இடத்தைப் பெற்றிருக்கிறது. வசதியான பயணம் என்ற பிரிவில் சிங்கப்பூர் முதலிடத்தை பெற்றுள்ளது. தங்கும் இடங்கள் மற்றும் ஷாப்பிங் பட்டியலில் துபாய் முதல் இடத்தை பிடித்திருந்தது.

பயணிகளின் ஒட்டுமொத்த அனுபவத்தில் சுகாதாரமான தெருக்கள், எளிதாக இடங்களை அடைதல் போன்ற பிரிவில் இந்தியாவின் மும்பை மோசமான நகரம் என்ற கருத்தைப் பெற்றுள்ளதாக அந்த இணையதளத்தின் அறிக்கையில் தெரிவிக்கப்பட்டுள்ளது.


நன்றி: வெப்துனியா