குழந்தை பாக்கியம் தரும் துரியன் பழம் கிலோ ரூ1000க்கு விற்பனை

by நாஞ்சில் குமார் Fri Jul 18, 2014 10:33 pm

குன்னூர்: நீலகிரி மாவட்டம் குன்னூர் பர்லியாறு அருகே தோட்டக்கலை துறைக்கு சொந்தமான பண்ணையில் குழந்தை பாக்கியம் தருவதாக கூறப்படும் துரியன் பழ மரங்கள் 32 உள்ளன. இந்த பழங்களுக்கு ஆண்டுதோறும் ஜூன் முதல் செப்டம்பர் வரை சீசன் காலமாகும். 1 கிலோ துரியன் பழம் ரூ.800 முதல் ரூ.1,000 வரை விற்பனை செய்யப்பட்டு வருகிறது. மங்குஸ்தான் 1 கிலோ ரூ.200 முதல் ரூ.400 வரை விற்பனை செய்யப்படுகிறது. துரியன் மற்றும் மங்குஸ்தான் பழங்களுக்கான ஏலம் குன்னூரிலுள்ள தோட்டக்கலை துறை அலுவலகத்தில் நேற்று நடந்தது. அதில் இந்த இரு பழங்களும் அறுவடை செய்ய ரூ.6 லட்சத்து 12 ஆயிரத்திற்கு ஏலம் விடப்பட்டது. ஏலம் எடுத்தவர்கள் இந்த சீசனுக்கு மட்டுமே பழங்களை எடுக்கஅனுமதிக்கப்பட்டுள்ளது. அதன்படி மங்குஸ்தான், துரியன் பழங்களை உள்ளூர்வாசிகள் மற்றும் சுற்றுலா பயணிகள் வழக்கம் போல் பெற்றுக் கொள்ளலாம் எனவும் தோட்டக்கலை துறை அதிகாரிகள் தெரிவித்தனர்.

நன்றி: தினகரன்