என்ன 'நரகலோகம்" கேட்கிறாய் ..?

by கவிப்புயல் இனியவன் Thu Apr 11, 2013 3:52 pm

மீனாட்சிக்கு திருமணமாகி 5 வருடங்கள் இன்னும் குழந்தை இல்லை .அவள் நம்பியிருப்பது கடவுளைதான் .கோயிலே தஞ்சம் என்றிருந்தால்
கடவுளிடம் கேட்பது "இறைவா எனக்கு ஒருமகன் கொடு " அத்தோடு "சொர்க்கலோகம்" தா என்றுதான் எப்போதும் கேட்பாள் ..

காலம் சற்று ஓடியது ..அவளது வேண்டுதல் நிறைவேறியது .ஒரு அழகிய ஆண்குழந்தை கிடைத்தது .கோயிலுக்கு சென்றாள்.

இறைவா நன்றி அவனது திருமணத்தை பார்க்கும் வரை என்னை உயிரோடு வைத்திரு அதன் பின்பு எனக்கு "சொர்க்க லோகம் தா " ஆனால் மகனோ சேரக்கூடாத நட்புகளுடன் சேர்ந்து பழககூடாத பழக்கங்களையும் பழகிநான் ..ஊரார் அவனை திட்டியும் கொட்டினர் அந்த அளவுக்கு குடித்துவிட்டு வீண் சண்டை இடுவான் ..

மீனாட்சியின் காது பட பேசினார்கள் உன் மகன் நரக லோகம் தான் போவன் என்று .மீண்டும்
கடவுளிடம் சென்றாள் மீனாட்சி .
இறைவா எனக்கு மிக விரைவாக "நரகலோகம்"

தா என்று கண்ணீர் மல்க கேட்டாள்.திடீர் என கடவுள் தோன்றினார் என்ன மகளே இதுவரைகாலமும்" சொர்க்கலோகம் " கேட்பாய் இப்ப என்ன 'நரகலோகம்" கேட்கிறாய் ..?

மீனாட்சி சொன்னால் ஊர் மக்கள் எல்லோரும் என் மகனுக்கு "நரகலோகம் "தான் கிடைக்கும்
என்று திட்டுகிறார்கள் ..ஊர் திட்டல் பலிக்கும் அவன் இறக்க முன்னர் நான் அங்கு செல்ல வேண்டும் ..என்றால் புன்னகையுடன் ..என்னை விட்டால் அவனுக்கு யாரும் இல்லை என்று கண்ணீர் விட்டாள்...

"பெற்றமனம் பித்து பிள்ளை மனம் கல்லு "