சிந்தனை செய் மனமே!

பின்னலாடைக் கூடங்கள், சிறு தொழிற்சாலைகள் நம் நாட்டின் பாரம்பர்யமிக்க 'திருப்பூரில்' இன்று மூடப்பட்டு வருகின்றன. இதற்கு காரணம் நாமெல்லாம் தான் என்று சொன்னால், அதனை ஏற்கத்தான் வேண்டியுள்ளது.

சுந்தந்திரத்திற்கு முன்பு, காந்தியடிகள் நடத்திய 'அந்நிய ஆடைகளை உடுத்தாதிருத்தலைப்' பற்றி நாம் சிறு வயதிலேயே பாடங்களில் படித்துவிட்டோம், அதன் சாரம் புரியாமலேயே! அந்நிய நாட்டு உடைகளை உடுத்தாமல் நம் நாட்டில் தயார் செய்யப்பட்ட உடைகளை உடுத்துபவரை காணுதல் இன்று அரிதாகிவிட்டது.

பத்து வருடத்திற்கு முன், தீபாவளிப் பண்டிகைக்கு புதிய ஆடைகள் வாங்க, நான்கு பேர் கொண்ட குடும்பம் கடைத்தெருவிற்கு சென்றால், ஆயிரம் ரூபாய்க்குள் நான்கு பேர்க்கும் புத்தாடைகள் வாங்கி, மீதமிருக்கும் பணத்திற்கு, அரிதாக அன்றிரவு வெளியே உணவருந்திவிட்டு வீடு திரும்பலாம். காரணம், அன்று வெளிநாட்டு ஆடைகள் நம் நாட்டிற்க்கு இறக்குமதியானது மிகக்குறைவு.

ஆனால், இன்றைய நிலையோ... மகன் வாங்க விரும்பும் அதே ஆடை, வெளிநாட்டு இறக்குமதி என்ற பெயரில், அன்று மொத்தக்குடும்பத்திற்கு உண்டான செலவைவிட அதிகம். காரணம் வெளிநாட்டு மோகம்.

நாம் வெள்ளையனே வெளியேறு என்று விரட்டிப்பெற்ற சுகந்திரம், இன்று நம்மில் பலருக்கு காரணம் தெரியாமல் போய்விட்டது. எந்த வெள்ளையனிடம் வரி செலுத்த மாட்டோம் என்று சண்டையிட்டோமோ... எந்த வெள்ளையனின் உடைகளை உடுத்த மாட்டோம் என்று கோஷமிட்டோமோ... எந்த வெளிநாட்டுப் பொருட்களை உபயோகிக்கமாட்டோம் என்று உறுதியேற்றோமோ... கேவலம்.., அனைத்தையும் மறந்து இன்று அனைத்தையும் செய்துவருகிறோம்.

வெளிநாட்டுப் பெயர் கொண்ட எவ்வொரு பொருளானாலும் அதை பெருமையோடு பெரும் விலைக்கொடுத்து வாங்குவதில்தான் நமக்கு அப்படியொரு பெருமை!!!

காலி மார்க் 'போவொண்டோ',Gold Spot போன்றவற்றை கோககோலா, பெப்சி போன்ற முதலைகள் முழுங்கிவிட்டதையெல்லாம் பலர் மறந்திருப்பார்கள்.

இப்படி தலையில் அணியும் தொப்பி முதல், காலில் அணியும் செருப்பு வரை எல்லாவற்றிலும் நாம் கொண்டுள்ள வெளிநாட்டு மோகம் குறையும்வரை, நம் நாட்டு மக்கள் தொழிலில் அழிய நாமே மறைமுகமாக காரணமாகிறோம் என்பதை சிந்தனை செய் மனமே!

வேதனையான உண்மைகள்

உண்மைதான்

நற்சிந்தனை... அரசியல்வாதிகளால்தான் இதற்கு தீர்வு காண முடியும்...

நம் தேவைகளை வாங்கும்போது - இந்தியாவில் கிடைப்பதால் - வாங்குவதைத் தவிர்க்க முடியாது.

இந்தியாவில் கிடைக்கவில்லை என்றால் யார் வாங்கப்போகிறார்கள்?

உண்மை அருமை

இதைதான் தான் உலகமயப்படுத்தல் பேய் என்று அடித்ததடித்து சொல்லுகிறேன்
...?