கருணைக் கொலையுண்ட கனவுகள் !

குட்டி குட்டி கனவு நிறைய
கருண கொல செஞ்சிருக்கே(ன்) !
பட்டுப் போன கனவுக் குறிப்பு
கெட்டிடாம வச்சிருக்கே(ன்) !

பள்ளிக் கூடம் போற காலம்
பத்து பைசா நெல்லி வாங்க,
அந்தநாள்ல கனவு கண்டு
எந்தநாளு(ம்) தோத்துப் போனே(ன்) !

கடவீதி நடந்து போனா
கலருடுப்பு ஆசப் பட்டே(ன்) !
கஷ்டமான குடும்ப நெனப்பு-
கண்டுக்காம தாண்டிப் போனே(ன்)!

கூட்டாளி காலப் பாத்து
மனசு கேட்ட சப்பாத்து...
அடுத்த வருசம் வாங்கலாம்னு
அந்தக் கனவத் தள்ளிப் போட்டே(ன்)

குண்டுபல்பு வெளிச்சத்துல
படிக்க நானு(ம்) ஆசப்பட்டேன் !
குப்பி லாம்பும் சிம்னி லாம்பும்
படிப்பு முடியும் காலம் மட்டும் !

படிப்பு முடிச்சி வேல தேடி
பட்டணத்து பக்கம் வந்தே(ன்),
“நானா” கட பிரியாணிக்கு
நாள் கணக்கா தவமிருந்தே !

நாகரிக உடுப்புடுத்த
மாட்டப் போல உழச்சிருக்கே,
கேட்ட வரம் அத்தனையும்
கெட்ட வரம் ஆகிப்போச்சி !

இப்படியே கொன்னுப் போட்ட
எத்தனையோ கனவிருக்கு !
அழகான அவஸ்தயாத் தா(ன்)
அத்தனையும் நெஞ்சிலிருக்கு

இந்த கவிதை ரொம்ப ரொம்ப நல்லாருக்கு... ஆனால் இந்த கவிதை உடல் நலம் பகுதியில் உள்ளதே?. நடத்துனர் அண்ணாக்கள் கவனியுங்கள்

மிக அருமையான கவிதை... ஆழமான கருத்துக்கள்... கவிதை பகிர்வுக்கு நன்றி கே.எஸ்.கலை...

பள்ளிக் கூடம் போற காலம்
பத்து பைசா நெல்லி வாங்க,


பழைய நினைவு வருது ..............நன்றி

ragu wrote:இந்த கவிதை ரொம்ப ரொம்ப நல்லாருக்கு... ஆனால் இந்த கவிதை உடல் நலம் பகுதியில் உள்ளதே?. நடத்துனர் அண்ணாக்கள் கவனியுங்கள்

ரொம்ப நன்றி தோழா ரகு....
இங்கு புதிதாக நுழைந்துள்ளேன்...இன்னும் சரியாக அமர்க்களம் பற்றிய அறிவினைப் பெறவில்லை....அதான் மாற்றி பதிந்துவிட்டேன் போலும் !

சுட்டிக் காட்டியமைக்கு மிக்க நன்றி தோழா !

ஸ்ரீராம் wrote:

இந்த கவிதை சொந்த கவிதைகள் பகுதிக்கு மாற்றப்பட்டது.. சுட்டி காட்டிய தம்பி ரகுவிற்கு மிக்க நன்றி.

ரொம்ப நன்றி தோழர் ஸ்ரீராம் அவர்களே

ஸ்ரீராம் wrote:மிக அருமையான கவிதை... ஆழமான கருத்துக்கள்... கவிதை பகிர்வுக்கு நன்றி கே.எஸ்.கலை...

ஊக்கமளிக்கும் கருத்துக்களை தரும் தங்களுக்கு அன்பு கலந்த நன்றிகள் தோழரே

கவிஞர் கே இனியவன் wrote:பள்ளிக் கூடம் போற காலம்
பத்து பைசா நெல்லி வாங்க,


பழைய நினைவு வருது ..............நன்றி

பலரும் இது போன்ற அனுபவங்களை தாண்டி தான் வந்திருப்போம் என்பது தானே உண்மை...

மிக்க நன்றி இனியவரே கருத்திற்கு !