யார் பலமான மனிதன் ...??

பிறப்பால் நாம் பலமானவர்களோ அல்லது பலவீனமானவர்களோ அல்ல. காலப் போக்கில் பலவீனம் எம்மில் ஒரு பகுதியாகிவிடுகின்றது. எந்த வயதில் இந்தப் பலவீனம் என்பது எங்களுடன் சேர ஆரம்பிக்கின்றது என்பதை வரையறுத்துச் சொல்ல முடியாது. ஆனால் எப்பொழுது நாம் எம்மை மற்றவர்களுடன் ஒப்பீடு செய்ய ஆரம்பிக்கிறோமோ அதற்கான அடித்தளத்தை இந்தப் பலவீனம் அமைத்துள்ளது என்பது தான் உண்மை.

ஏனெனில் எமது ஒப்பீடுகள் அனைத்தும் பலவீனத்தை அடிப்படையாகக் கொண்டிருப்பவைகளே. ஆனால் நாம் ஒப்பீடு செய்யும் போது பலம், பலவீனம் இரண்டையும் ஒப்பிடுவதாகக் கருதிக்கொள் கிறோம்.

பலத்தை அடிப்படையாகக் கொண்டு இன்னொருவருடன் ஒப்பீடு செய்வதாகக் கருதும் போது எம்மைப் பலமானவர்களாகக் கருதுவோமாயின் தற்பெருமை, மமதை, அகங்காரம். ஆக்கிரமிப்புத் தன்மை, அங்கீகாரத்திற்கான எதிர்பார்ப்பு போன்ற அசிங்காமான உணர்வுகள் எம்மை அடிமைப்படுத்தி உள்ளன என்பது தான் உண்மை. எம்மை எது அடிமைப்படுத்தினாலும் அது எம்மை விடப் பலமானதகையால் நாம் பலவீனமானவர்களாகி விடுகிறோம்.

மாறாக, பலவீனத்தை அடிப்படையாகக் கொண்டு ஒப்பீடு செய்யும் போது ஒப்பிடப்படுபவர் பலமானவராக கருதப்படுவாராயின் நாம் எம்மை மிகவும் குறைவாக மதிப்பீடு செய்யும் தாழ்வு மனப்பான்மைக்கு உட்பட்டு அதன் வெளிப்பாடான பொறாமை, வெறுப்பு, கோபம், குறைகாணல் போன்ற அசிங்கமான உணர்வுகள் எம்மை அடிமைப்படுத்தி உள்ளன என்பது தான் உண்மை. நாம் அடிமையாவது பலவீனத்தின் வெளிப்பாடே.

மனிதனின் பலவீனம் என்பது உணர்வுகளுக்கு அடிமைப்படுவது என்பதையும் அதற்கு ஒப்பீடு செய்யும் மனப்பான்மை அடித்தளமாக அமைகின்றது என்பதயும் அறிந்து கொண்டோம். அப்படியானால் மனிதனின் பலம் எது? மனிதனிடம் பலவீனம் சார்ந்த உணர்வுகள் இருப்பதுபோல் பலம் சார்ந்த உணர்வுகள் எவையும் இல்லை. ஆனால் நாம் பலமான மனிதராக இருப்பதற்கு ஒரே ஒரு வழி மட்டுமே உண்டு.

ஒப்பீடு செய்வதை முழுமையாகத் தவிர்ப்பது தான் அந்த வழி . ஏனெனில் எம்மைப் பலவீனமாக்கும் உணர்வுகளுக்கு நாம் அடிமையாகாத போது இயல்பாகவே நாம் பலமானவர்களாகி விடுகின்றோம்.

யார் பலமான மனிதன்

உண்மைதான் ஒப்பீடு செய்வது நம்மை மேலும் பலஹீனமாக்குமே தவிர பலமாக்காது.



பதிவிற்கு நன்றி

நன்றி..நன்றி..நன்றி...