கையில் ஒரு பைசா கூட இல்லை! மாருதி கார் மட்டுமே சொந்தம்: மன்மோகன் சிங்

தகவல்.நெட் :: செய்திக் களம் :: முக்கிய நிகழ்வுகள்

Page 1 of 1 • Share

கையில் ஒரு பைசா கூட இல்லை! மாருதி கார் மட்டுமே சொந்தம்: மன்மோகன் சிங்

by Muthumohamed Sat May 18, 2013 12:21 am

இந்திய பிரதமர் மன்மோகன் சிங்கிடம் தற்போதைய நிலையில் கைவசம் எந்தவொரு பணமும் இல்லையாம். சொந்தமாக ஒரு பழைய மாருதி கார் மட்டுமே உள்ளதாம்.

மாநிலங்களவை தேர்தலில் போட்டியிடுவதற்காக பிரதமர் மன்மோகன் சிங் இரண்டு நாட்களுக்கு முன் அசாம் மாநில தேர்தல் ஆணையரிடம் வேட்புமனுவை சமர்ப்பித்தார்.

அதில் அளிக்கப்பட்ட உறுதி சான்றில் மன்மோகன் சிங்கிற்கு சொந்தமாக பணம் ஏதும் இல்லை எனவும், ஒரு பழைய கார் மட்டுமே அவருக்கு சொந்தமாக உள்ளதாகவும் குறிப்பிடப்பட்டுள்ளது.

பிரதமர் தனது வேட்புமனுவில், தனது மொத்த ஆண்டு வருமானம் ரூ.40,51,964 என குறிப்பிட்டுள்ளார்.
மேலும் 5 பிக்சட் டெபாசிட் மற்றும் 3 சேமிப்பு கணக்குகளுடன் சேர்த்து தனக்கு இருக்கும் அசையும் சொத்துக்களின் மதிப்பு ரூ.3,87,63,188 என குறிப்பிட்டுள்ளார்.

சண்டிகரில் இருக்கும் வீடு மற்றும் டெல்லியில் உள்ள அபார்ட்மெண்ட் ஆகிய அசையா சொத்துக்களின் மதிப்பு ரூ.7,52,50,000 எனவும், ரூ.21,033 மதிப்புள்ள 1996 ம் ஆண்டு மாடல் மாருதி கார் தனக்கு சொந்தமாக இருப்பதாக கூறிய உள்ளார்.

நன்றி: வெப்துனியா

Muthumohamed: தகவல் பதிவாளர்; பதிவுகள் : 7436