குறைப்பிரசவத்தில் பிறந்த குழந்தையை காப்பாற்றிய பிளாஸ்டிக் பை

இங்கிலாந்து நாட்டில் வசிக்கும் பெண் எமிலி. 29 வயதான இவர் நிறைமாத கர்ப்பிணியாக இருந்தார். அவருக்கு இடுப்பு வலி ஏற்பட்டதும், ஆம்புலன்சுக்கு டெலிபோன் செய்தார். ஆம்புலன்ஸ் வந்ததும் அதில் அவர் ஏற்றப்பட்டார். அதில் ஆஸ்பத்திரிக்கு செல்லும்போதே அவருக்கு குழந்தை பிறந்தது. அந்த குழந்தை குறித்த காலத்துக்கு 14 வாரங்கள் முன்னதாக பிறந்ததால், அது எடை குறைவானதாக இருந்தது. அதன் எடை 600 கிராம் மட்டுமே இருந்தது.

குழந்தைக்கு தாயின் வயிற்றில் இருப்பது போன்ற உணர்வை தரக்கூடிய இன்குபேட்டர் அந்த ஆம்புலன்சில் இல்லை. இதனால் ஆம்புலன்சில் பயணம் செய்த மருத்துவ பணியாளர் ஒருவர், மருந்துகள் வந்த பிளாஸ்டிக் பையை குழந்தையின் உடலை சுற்றி சுற்றினார். பிளாஸ்டிக் பையின் கதகதப்பு மூலம் இன்குபேட்டரில் குழந்தை இருந்தால் அதற்கு எப்படி இருக்குமோ அத்தகைய பாதுகாப்பை ஏற்படுத்தினார். இதனால் குழந்தைக்கு தேவையான கதகதப்பு கிடைத்தது. இதனால் ஆஸ்பத்திரிக்கு செல்லும்வரையில் குழந்தை சீராக சுவாசித்து உயிர் பிழைத்தது.