ரூ.3 லட்சம் கோடி பணப்புழக்கம்: சூதாட்டத்தை சட்டபூர்வமாக்க விளையாட்டு அமைச்சகம் பரிந்துரை

கிரிக்கெட் சூதாட்டத்தை சட்டபூர்வமாக்க விளையாட்டு அமைச்சகம் பரிந்துரை செய்துள்ளது. நடந்து முடிந்த ஐ.பி.எல். கிரிக்கெட் தொடரில் வெடித்த ஸ்பாட் பிக்சிங் முறைகேட்டைத் தொடர்ந்து, இது போன்ற சூதாட்டங்களைத் தடுக்க மத்திய அரசு புதிய சட்டம் கொண்டு வர திட்டமிட்டுள்ளது. ஒரு போட்டி தொடரில் பங்கேற்று விளையாடும் எந்த வீரரும் நேர்மை குறைவான நோக்கத்துடன் எந்தச் செயலிலும் ஈடுபடுவதை தடுப்பதே இந்த சட்டத்தின் நோக்கம் ஆகும்.

இந்த சட்ட வரைவு மசோதாவை மத்திய சட்ட அமைச்சகம் உருவாக்கியுள்ளது. இந்த சட்டவரைவு மசோதாவை மத்திய சட்ட மந்திரி கபில் சிபல் மேற்பார்வையிட்டார். அதன் பின் வரைவு மசோதா விளையாட்டு அமைச்சகத்துக்கு அனுப்பி வைக்கப்பட்டுள்ளது. அதன்சரத்துகள் குறித்து விளையாட்டு அமைப்புகளின் நிர்வாகிகள், முன்னாள் வீரர்கள் உள்ளிட்ட நிபுணர்களுடன் விளையாட்டு அமைச்சகம் ஆலோசித்து வருகிறது.

இந்த சட்ட வரைவு மசோதாவில் பல்வேறு மாற்றங்கள் செய்யவும், விளையாட்டு போட்டிகளில் சூதாட்டத்தை சட்டபூர்வமாக அங்கீகரிக்கவும். சட்ட அமைச்சகம் பரிந்துரை செய்யவும் முடிவு செய்துள்ளது. சமீபத்தில் நடந்த ஐ.பி.எல். கிரிக்கெட்டில் ரூ.3 லட்சம் கோடி அளவுக்கு நாடு முழுவதும் சூதாட்டம் நடந்து இருப்பது தெரிய வந்துள்ளது.

சூதாட்டத்தை சட்ட பூர்வமாக்கினால் அரசுக்கு வருமானம் கிடைக்கும் என்று விளையாட்டுதுறை அதிகாரிகள் தெரிவித்தனர். ஆண்டு ஒன்றுக்கு ரூ.20 ஆயிரம் கோடி அளவுக்கு அரசுக்கு வருமானம் கிடைக்கும் என்றும் புள்ளி விவரங்கள் மூலம் தெரிய வந்துள்ளது. எனவே சூதாட்டத்தை சட்ட பூர்வ மாக்கலாம் என்று தெரிவிக்கப்பட்டுள்ளது. ஆனால் சூதாட்டத்தை அங்கீகரிப்பது குறித்து மத்திய மந்திரிசபைதான் முடிவு செய்யும். இதற்கிடையே தற்போது சட்ட அமைச்சகம் உருவாக்கியுள்ள புதிய சட்ட வரைவு மசோதா திருப்தி அளிக்கும்படி இல்லை என்று விளையாட்டு துறை செயலாளர் பி.கே.தேவ் கூறினார்.

இதில் விரிவான வகையில் மேலும் பல்வேறு மாற்றங்களை நாங்கள் மேற்கொண்டு வருகிறோம். அனைத்து மாற்றங்களையும் செய்த பின்னர் சட்ட அமைச்சகத்துக்கு திருப்பி அனுப்புவோம் என்று அவர் மேலும் கூறினார்.

மாலை மலர்

மதுவே இருக்கும் போது இது இருப்பதில் தவறில்லை

சூதாட்டத்தை சட்ட பூர்வமாக்கினால் அரசுக்கு வருமானம் கிடைக்கும் என்று விளையாட்டுதுறை அதிகாரிகள் தெரிவித்தனர். ஆண்டு ஒன்றுக்கு ரூ.20 ஆயிரம் கோடி அளவுக்கு அரசுக்கு வருமானம் கிடைக்கும் என்றும் புள்ளி விவரங்கள் மூலம் தெரிய வந்துள்ளது. எனவே சூதாட்டத்தை சட்ட பூர்வ மாக்கலாம் என்று தெரிவிக்கப்பட்டுள்ளது.

நல்லதுதானே... அரசுக்காவது வருமானம் கிடைக்கும்... ஏமாறாமலும் பெட் கட்டலாம்...