மாநில அரசின் அதிகாரங்களை பறிக்கிறது மத்திய அரசு : முதல்வர்

சேலத்தில் சூப்பர் ஸ்பெஷாலிட்டி மருத்துவமனை, புதிய கலெக்டர் அலுவலகம், எஸ்.பி., அலுவலகம், போலீஸ் கமிஷனர் அலுவலகம் உள்ளிட்ட பல்வேறு புதிய கட்டிடங்களை தமிழக முதல்வர் கருணாநிதி திறந்து வைத்தார். அருகில் அமைச்சர்கள் அன்பழகன், வீரபாண்டி ஆறுமுகம், பன்னீர்செல்வம்,மத்திய இணை அமைச்சர் காந்தி செல்வன் உள்ளிட்டோர்.


சேலத்தில் சூப்பர் ஸ்பெஷாலிட்டி மருத்துவமனையை முதல்வர் கருணாநிதி திறந்துவைத்தார்.


விழாவில் தமிழக முதலமைச்சர் கருணாநிதி கலந்து கொண்டு புதிய கட்டிடங்களை திறந்து வைத்தார். புதிய திட்டங்களுக்கு அடிக்கல் நாட்டியும் மற்றும் நலத்திட்ட உதவிகளையும் வழங்கினார்.


இந்த விழாவுக்கு அமைச்சர் வீரபாண்டி ஆறுமுகம் தலைமை தாங்கினார். தமிழக நிதி அமைச்சர் பேராசிரியர் அன்பழகன், தமிழக துணை முதலமைச்சர் மு.க. ஸ்டாலின் ஆகியோர் முன்னிலை வகித்தார்கள்.


விழாவில் மத்திய அமைச்சர்கள் மு.க. அழகிரி, தயாநிதிமாறன், ராசா, காந்திசெல்வன், பழனி மாணிக்கம், ஜெகத்ரட்சகன், நெப்போலியன், கனிமொழி எம்.பி., துணைசபாநாயகர் வி.பி.துரைசாமி, தமிழக அமைச்சர்கள் ஆற்காடு வீராசாமி, கோ.சி. மணி, துரைமுருகன், எம்.ஆர்.கே. பன்னீர்செல்வம், பொன்முடி, கே.என்.நேரு, கே.கே.எஸ்.எஸ்.ஆர். ராமச்சந்திரன், சாமிநாதன், எ.வ. வேலு, தா.மோ. அன்பரசன், கீதா ஜீவன், தங்கம் தென்னரசு, உபயதுல்லா, பூங்கோதை, ராமச்சந்திரன், சுப. தங்கவேலன், டி.பி.எம். மைதீன்கான், பெரிய கருப்பன், கே.பி.பி. சாமி, மதிவாணன், பரிதி இளம் வழுதி, பொங்கலூர் பழனிச் சாமி, என்.செல்வராஜ், ஆ. தமிழரசி கலந்து கொண்டார்கள்.


இவ்விழாவில் முதல்வர் பேசும்போது, ‘’மருத்துவ நுழைவுத்தேர்வு நிறுத்தி வைக்கப்பட்டிருப்பது தமிழக அரசின் முயற்சியால்தான். மாநிலங்களின் அதிகாரத்தில் மத்திய அரசு தலையிடுவதை தொடர்ந்து எதிர்ப்போம்.


12 மாவட்டங்களில் ஆட்சியர் அலுவலகங்கள் திமுக ஆட்சியில்தான் கட்டப்பட்டன’’ என்று தெரிவித்தார்.