உருளைக்கிழங்கு பன்னீர் கோப்தா

by mohaideen Sun Jun 02, 2013 2:15 pm

மாலை வேளையில் டீ அல்லது காபியுடன், நன்கு சூடாக எதையேனும் சாப்பிட்டால், நன்றாக இருக்கும். அதிலும் பஜ்ஜி, போண்டா போன்றவற்றை சாப்பிட்டால் மிகவும் அருமையாக இருக்கும். குறிப்பாக கோப்தா சற்று வித்தியாசமான ஒரு ஸ்நாக்ஸாக இருக்கும். மேலும் கோப்தாவில் பல வெரைட்டிகள் உள்ளன.

இப்போது அவற்றில் ஒன்றான உருளைக்கிழங்கு பன்னீர் கோப்தா எப்படி செய்வதென்று கொடுத்துள்ளோம். அதைப் பார்ப்போமா!!!

உருளைக்கிழங்கு பன்னீர் கோப்தா 01-aloopaneerkofta-600

தேவையான பொருட்கள்:

பன்னீர் - 200 கிராம் (துருவியது)

உருளைக்கிழங்கு - 3 (வேக வைத்து, மசித்தது)

பால் பவுடர் - 1 டேபிள் ஸ்பூன்

மிளகு தூள் - 1/2 டீஸ்பூன்

மிளகாய் தூள் - 1/2 டீஸ்பூன்

கரம் மசாலா - 1/2 டீஸ்பூன்

கொத்தமல்லி - 1 1/2 டேபிள் ஸ்பூன் (நறுக்கியது)

சோள மாவு - 2 டேபிள் ஸ்பூன்

எண்ணெய் - தேவையான அளவு

உப்பு - தேவையான அளவு

செய்முறை:

முதலில் மேலே குறிப்பிட்டுள்ள அனைத்துப் பொருட்களையும் ஒரு பாத்திரத்தில் போட்டு, தண்ணீர் ஊற்றி ஓரளவு கெட்டியாக பிசைந்து கொள்ள வேண்டும்.

பின்னர் அதனை சிறு உருண்டைகளாக உருட்டி, லேசாக தட்டி ஒரு தட்டில் வைத்துக் கொள்ள வேண்டும்.

பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், உருண்டைகளை எண்ணெயில் போட்டு பொன்னிறமாக பொரித்து எடுக்க வேண்டும்.

இப்போது சுவையான உருளைக்கிழங்கு பன்னீர் கோப்தா ரெடி!!!

இதனை தக்காளி சாஸ் உடன் தொட்டு சாப்பிட்டால், நன்றாக இருக்கும்.

http://tamil.boldsky.com/recipes/veg/aloo-paneer-kofta-003313.html

by முரளிராஜா Tue Jun 04, 2013 8:45 am

உருளைக்கிழங்கு பன்னீர் கோப்தா

உருளைக்கிழங்கு பன்னீர் கோப்தா

Re: உருளைக்கிழங்கு பன்னீர் கோப்தா