இலங்கையில் சாதாரண பொதுமக்களும் ஜீ.பி.எஸ் கருவிகளை பயன்படுத்த அனுமதி

இருக்கும் இடத்தை அறிந்து கொள்வதற்காக பயன்படுத்தப்படும் ஜீ.பி.எஸ் கருவிகளை சாதாரண பொதுமக்களும் பயன்படுத்த முடியும் என இலங்கை அரசாங்கம் அறிவித்துள்ளது.
இந்த அதி நவீன ஜீ.எஸ்.பி கருவிகளை பொதுமக்கள் பயன்படுத்தக் கூடாது என அரசாங்கம் முன்னர் தடை விதித்திருந்தது.

தமிழீழ விடுதலைப் புலிகளுடனான யுத்த காலத்தில் முக்கிய நிலைகளை அறிந்து கொள்வதற்காக புலிகள் இந்தக் கருவியைப் பயன்படுத்தி வந்ததாகத் தெரிவிக்கப்படுகிறது.

காவல் நிலையங்கள் மற்றும் வீதி அமைப்புக்கள் ஆகியவற்றை ஜீ.எஸ்.பி கருவியைப் பயன்படுத்தி அறிந்து கொள்ள முடியும் எனவும், இராணுவ முகாம்களின் நிலைகளை அறிந்து கொள்ள முடியாது எனவும் குறிப்பிடப்படுகிறது.

கருவிகளை பயன்படுத்துவதற்கு அனுமதி அளிக்கப்பட்டுள்ளதனால் பொதுமக்கள் பெரிதும் நன்மை அடைவார்கள் எனத் தெரிவிக்கப்படுகிறது.