இந்த ஆண்டின் மிகப்பெரிய முழுநிலவு இன்று தெரியும்

பூமியை சுற்றிவரும் துணைக்கோளான சந்திரனின் அதிபிரகாசமான முழு வடிவத்தை, வழக்கமாக பவுர்ணமி நாளின்போது நாம் காண முடியும். ஆனால், மற்ற பவுர்ணமி நாட்களில் இல்லாத வகையில் இந்த ஆண்டின் மிகப்பெரிய முழுநிலவை இன்று காண முடியும் என்று விஞ்ஞானிகள் தெரிவித்துள்ளனர்.

வழக்கமாக தென்படும் அளவைவிட இன்றைய முழு நிலவு சற்று பெரிதாக தெரியும். பூமிக்கு மிக அருகில் வருவதால், பார்க்க பெரிதாகவும் ஒளிமிக்கதாகவும் இருக்கும். இன்று நள்ளிரவு இந்த முழு நிலவு பூமிக்கு அருகில் 3 லட்சத்து 57 ஆயிரம் கிலோ மீட்டர் தூரத்தில் வர இருக்கிறது.

இந்த ஆண்டின் மிக ஒளிமயமான இந்த பவுர்ணமியின் போது, கடல் சீற்றம் அதிகமாக இருக்கும் என்று கூறப்படுகிறது.

அடுத்த வருடம் ஜனவரி 16-ம் தேதி நிலா பூமியிலிருந்து மிக அதிக தூரம் விலகி செல்லும் நிகழ்வு நடைபெற இருப்பது குறிப்பிடத்தக்கது.

-- மாலைமலர்