தூத்துக்குடியில் மூன்று விமானப் படைத்தளங்கள்

தென் தமிழகத்தின் பாதுகாப்பை பலப்படுத்த, தூத்துக்குடியில் இந்திய கடற்படை, விமானப் படை, கடலோர காவல் படையின் விமானத் தளங்களை மத்திய அரசு அமைக்கிறது. இது குறித்து தூத்துக்குடி டி.ஆர்.ஓ., துரை ரவிச்சந்திரன் கூறியதாவது: தூத்துக்குடி, வாகைகுளம் விமான நிலையம் 568 ஏக்கரில் விரிவுபடுத்தப்படவுள்ளது. அதற்கு நிலமெடுப்பதற்காக அரசாணை வெளியிடப் பட்டுள்ளது. அது குறித்து சம்மந்தப்பட்ட நில உரிமையாளர்கள், தங்களது கருத்தை இம்மாதம் 21ம் தேதி கலெக்டரிடம் தெரிவிக்கலாம். கையகப்படுத்தப்படவுள்ள நிலங்கள் அனைத்தும் பட்டா நிலங்கள் தான், விவசாய நிலம் எதுவும் இல்லை. விமான நிலையத்தை ஒட்டிய கட்டாலங்குளத்தில் 50 ஏக்கரில் இந்திய கடலோர காவல்படை விமானத்தளம், அதற்கு அருகில் மற்றொரு 50 ஏக்கரில் விமானப்படை விமானத்தளம், 10 ஏக்கரில் கடற்படை விமானத்தளம் விரைவில் அமைக்கப்படவுள்ளது. இவ்வாறு துரை ரவிச்சந்திரன் கூறினார்.

:a1a: