சிந்திக்க வேண்டிய தருணத்தில் நாம் !!! இந்தியா வளர்கிறது தானே!

சிந்திக்க வேண்டிய தருணத்தில் நாம் !!!

இந்தியா வளர்கிறது தானே!

ரூபாயின் மதிப்பு வீழ்ச்சி இதுவரை இல்லாத அளவு பாதாளத்திற்கு செல்கிறது. பொருளாதார வளர்ச்சி பற்றிய போலியான புள்ளி விபரங்களின் மாயை சரிந்துவிட்டது. பெட்ரோல் முதல் காய்கறிகள் வரையில் கடுமையான விலையேற்றம் தினமும் கூடிக்கொண்டே போகிறது.

பொருளாதாரத்தை சீர்படுத்த திட்டங்கள் அறிவிப்பதாக ஊடகங்களை சந்தித்தார் பா.சிதம்பரம். சிதம்பரம் அறிவித்த திட்டம் இது, "கவலைப்படாதீர்கள். எல்லாம் சரியாகும். தொடர்ந்து செலவிடுங்கள். அரசு மற்றும் பொது செலவுகள் பொருளாதாரத்தை மேம்படுத்தும்." இந்தியாவின் "சிறந்த" பொருளாதார சிங்கம் சொல்வது எதாவது புரிகிறதா?

பங்கு வர்த்தகம், ஆன்லைன் வர்த்தகம், கார்ப்பரேட் முதலீடுகள், ஏற்றுமதி மற்றும் இறக்குமதி உள்ளிட்ட எவற்றையும் கட்டுப்படுத்தாமலும், சீரமைக்காமலும் மக்களை நோக்கி பாடம் நடத்துகிறார்கள். இந்த நிலை நீடித்தால் சாக்கு நிறைய ரூபாயை எடுத்துக் கொண்டு கடைக்கு சென்று கைபிடியளவு பொருள் வாங்குகிற நிலமை உருவாகும்.

கடந்த 23 ஆண்டுகளாக காங்கிரஸ், பா.ஜ.க சேர்ந்து எல்லாவற்றையும் அமெரிக்கமயமாக்கிவிட்டார்கள். மன்மோகனின் பொருளாதார திட்டத்திற்கு ஆதரவாக பா.ஜ.கவும் உள்ளது. ஏன் இன்னும் தாமதம் பாராளுமன்றத்தையும், நீதிமன்றத்தையும், இந்திய ரூபாயையும் கூட அமெரிக்கமயமாக்கிவிடலாம். அதோடு அவர்களின் லட்சியம் நிறைவேறும்.

மிகவும் உண்மையான நிலவரத்தை தந்து இருக்கீங்க செந்தில். 
நாளுக்கு நாள் வீல்ச்சியில் செல்கிறதே 

சோகமான உண்மை தான் நாம் என்ன செய்ய முடியும்

வருத்தமான போக்குதான்