மின்னஞ்சலைக் கண்டுபிடித்த தமிழருக்கு சாதனையாளர் விருது வழங்கி கௌரவிப்பு!

by முரளிராஜா Thu Jul 11, 2013 7:36 am

அமெரிக்காவின் எம்.ஐ.டி பல்கலைகழக பேராசிரியரும், இமெயில் கண்டுபிடித்தவருமான டாக்டர் சிவாஅய்யாதுரைக்கு திருவண்ணாமலையில் உள்ள எஸ்.கே.பி. பொறியியல் கல்லூரி சார்பில் இந்த ஆண்டுக்கான சாதனையாளர் விருது வழங்கப்பட்டது. விருதினை டாக்டர் சிவாஅய்யாதுரைக்கு எஸ்.கே.பி குழும தலைவர் கு.கருணாநிதி வழங்கி சிறப்பித்தார். விருது பெற்றப்பின் டாக்டர் சிவாஅய்யாதுரை, மாணவர்கள் மற்றும் இளம்பொறியாளர்களுடன் கலந்துரையாடினார். அப்போது, 14 வயதில் நான் இமெயில் கண்டுபிடித்த பின் அதனை பதிவு செய்ய தான் பெற்ற கசப்பான அனுபவத்தை அவர்களோடு பகிந்துக்கொண்டார்.

மாணவர்கள் தவறு செய்தால் பெற்றோர்கள் தண்டிக்ககூடாது. தவறுகள் இருந்தால்தான் அவர்கள் பாடம் கற்றுக்கொள்ள முடியும். மாணவர்கள் சக்தியை இந்தியா பயன்படுத்தினால் இன்னும் 10 ஆண்டுகளில் நாம் சீனாவை முந்திவிடலாம் என்றார்.