வெறுப்பு பரவ பரவ, மனிதன் சுறுங்கி போகிறான்

வெறுப்பு பரவ பரவ, மனிதன் சுறுங்கி போகிறான்
வெறுப்பு குறுகிய கூட்டுக்குள் கூத்தாடுகிறது

அன்பு வான்வரை விரிந்து பரவுகிறது
மனிதன் பெரிய பெரிய திமிங்கலங்களைக் கூட
வலை போட்டு பிடித்து விடுகிறான்
ஆனால் சிறிய கொசுவுக்கு பயந்து
வலைக்குள் போய் பதுங்கிவிடுகிறான்
அது போலவே வெறுப்பு பரவ பரவ,
மனிதன் சுறுங்கி போகிறான்
உறவுகளை அறுக்கிறான்
அயலாரை மறுக்கிறான்
நன்பரை வெறுக்கிறான்
கதவுகளை அடைக்கிறான்
அவனது வீடே அவனுக்கு சிறைச்சாலை
அவனது மனமே அவனுக்கு சித்ரவதை
குறுகிய மனதால் கூட்டுக்குள்ளே கிடந்து நாற்றமெடுக்கிறான்
வெறுப்பு என்பது ஒரு கருப்பு கண்ணாடி
அது காண்பதை எல்லாம் கருப்பு என்று காட்டும்
காதல்,காமம் போல கோபம்,வெறுப்பு,சந்தேகம் யாவும்
மனித மனித்தின் கண்களை குருடாக்கும்
அமைதியிழந்த ஆணவத்தின்
தோல்வியும் ஆற்றாமையுமே வெறுப்பு வேர் விடும் வெடிப்பு.
தீவிரமான போட்டிகளின் முடிவில் வெறுப்புதான் மிஞ்சும்
நமது கோபம் என்ற தீ எரிந்த பின்
சாம்பல் என்ற நீர் பூத்த நெருப்பாக அது வெறுப்பாக படிகிறது
முகம் முகமூடி போட்டாலும் அது இதயத்துக்குள்
வஞ்சக மூட்டையாக புதைந்து கிடக்கிறது
மனிதப் பிறவிக்கு மறைந்து கிடக்கும் மிருக குணம்
தன் சுயவிருப்பம் நிறைவேறாத போது வெறுப்பாக வெளிப்படுகிறது.
இரும்பான இதயத்தில்
வெருப்பென்ற நீர் படிந்தால்
துயரென்ற துரு பிடித்து அவனது மனமகிழ்ச்சியை சிதைக்கும்
அவனது மனஉறுதியை அழிக்கும்.
வாய் புளித்ததோ,மாங்காய் புளித்ததோ என்பார்
இதயத்தின் கசப்பும் வெறுப்பும்
வாய் கசந்து உணவு கசந்து
உலகம் கசந்து வாழ்வே கசப்பாக்கும் வஞ்சக நஞ்சு,
சூடு பிடித்த மனதின் சுடும் தீயே வெறுப்பு
அந்த நெருப்பு தன்னையும் அழித்து பிறரையும் சிதைக்கும்
மனித இனத்துக்கு மட்டும்
ஏன்தான் தன் இனத்தின் மீது இவ்வளவு வெறுப்பு?
ஆராயாமல் முடிவெடுப்பதும்
ஆதாரமில்லாமல் வெறுப்பதுவும் மனித இனத்தின்
தீராத நோய்களென மாறாது தங்கி விட்டன
வெறுப்பு கோபமும் தாண்டவமாடும் போது
அறிவு வெட்கப்பட்டு திரை போட்டுக் கொள்ளும் என்பார்
விருப்பு வெறுப்பு என்பது சிந்தனைக்கு முள்வேலி
மனித மனதுக்கும், மாணுட பரிமாணத்துக்கும் அது தடை போடும் சுவர்கள்
வெறுப்பெனும் துர் நாற்றத்தை விரட்ட
அன்பெனும் நறுமணத்தை நிரப்புவதே அழகான வழி
மனமெனும் பூந்தோட்டத்தில்
வெறுப்பெனும் முள் காடுகளை அகற்றி
அன்பெனும் பூச்செடிகளை வளர்ப்போம்

நாம் வாழம் இந்த பூமியிலே என்றும் பூமணத்தோடு புது வாசம் பரவட்டும்.

Posted by DrBALA SUBRA MANIAN