தேடுதல் தவறில்லை தேடுதல் இல்லாது தேறுதல் இல்லை

தேடுதல் தவறில்லை தேடுதல் இல்லாது தேறுதல் இல்லை


அது தேடி இது தேடி அலைகின்றாய்
எது வந்து சேர்ந்தாலும் தவிக்கின்றாய்
இறைவன் ஒரு நாள் பூமிக்கு வந்தான் கேட்டவருக்கு கேட்டதெல்லாம் தந்தான்
ஒருவர் பணம் கேட்டார்
ஒருவர் பதவி கேட்டார்
ஒருவர் வீடு கேட்டார்
ஒருவர் நாடு கேட்டார்
யாருமே நிம்மதி வேண்டும் என்று கேட்கவில்லை
அவர் நிம்மதி இழந்து திரும்ப போய் விட்டாராம்
இது சுவையான கதை
எங்கே போகிறோம்
எதை தேடுகிறோம்
நடு வீதியிலே எதையோ தொலைத்தவன் போல தேடித்தவிக்கிறோம்
ஆனால் எதை தொலைத்தோம் எதை தேடுகிறோம்
என்பதையே மறந்து தேடுகிறோம்
என்ன வேதனை எத்தனை துயரம் ஏனிந்த வலி?
சிந்தனை தெளிவானால்
கொள்கை உறுதியானால்
குறிக்கோள்கள் இறுதியானால்
குழப்பம் ஏதுமில்லை
ஓடும் நதி வெள்ளத்தில்
ஆடும் பந்து போல நாம் மற்றவருக்காக தேடுகிறோம்
ஒவ்வொரு கட்ட வாழ்விலும் சூழலும் சூழ்ந்துள்ளவரும்
இழுக்கும் நூலால் காற்றாடி பட்டமென ஆடுகிறோம்
ஒரு போதும் நமக்கென்று தெளிவுமில்லை தேடலுமில்லை
நான் பாட வந்த பாடலை இன்னும் பாடவில்லை என்றார்
அப்படியானால் இதுவரை என்ன பாடினார்
மற்றவருக்கு,இரசிகருக்காக‌
முதலாளிக்காக,இசைக்காக பாடுகிறோம்
கூத்தாடி மகிழ வைக்கும் மந்தி போல வித்தை காட்டுகிறோம்
பிறர் ரசனை மாறுகிறது,
ஆசை மாறுகிறது,
தேவை மாறுகிறது.
யாரையும் திருப்திபடுத்த முடியாத மனது துயரடைகிறது.
தனக்கென்று கொள்கைகள்,குறிக்கோள்கள் இல்லாது
தற்காலிகமாக மற்றவரை சிரிக்க வைக்கும் நாடகத்தின் நடிகன் போல வாழ்வு போகிறது.
யாருக்காகவோ ஆடுகிறோம்
யாருக்காகவோ பாடுகிறோம்
யாருக்காகவோ சிரிக்கிறோம்
யாருக்காகவோ அழகிறோம்
நடைமுறையில் எதற்காக ஏன் இது என்பது மறந்து போகிறது
திருவிழாவில் தொலைந்து போன குழந்தை போல யாரையாவது தேடுகிறோம்.
தேடுதல் தவறில்லை தேடுதல் இல்லாது தேறுதல் இல்லை
அது தேடி இது தேடி எதைதேடி எதையோ தேடி தவிக்காமல்
தெளிவாக ஒன்றே நோக்கம் ஒன்றே பாதை என்ற அமைதியிருந்தால் நிம்மதிவரும்

Posted by DrBALA SUBRA MANIAN

தேடுதல்  இல்லையேல் வாழ்க்கை  இல்லை