கார்யம் பிறந்தால் காரணம் விளங்கும்

கார்யம் பிறந்தால் காரணம் விளங்கும்


காலங்களாலே கார்யம் பிறக்கும்
கார்யம் பிறந்தால் காரணம் விளங்கும்

ஒண்ணுமே புரியலை உலகத்திலே

என்னவோ நடக்குது

மர்மமா இருக்குது

இது கவிஞரின் குரல் மட்டுமல்ல‌

அன்றாடம் வாழும் மனிதரின் புலம்பல்

வாழ்வின் குழப்பம்

இந்த கேள்விக்கு பதிலாகச் சொன்னார்

காலம் அற்புதமான இயந்திரம்

அது உருட்டி செல்கிறது உலகத்தை

அது நடத்தி வைக்கிறது நாடகத்தை

குப்பை மேட்டு காகிதத்தை

கோபுரத்தில் வைக்கிறது காற்றாக வந்து

அண்ணாந்து நிமிர்ந்து ஆனவமாக நிற்க்கும் கோபுரங்களை

சரித்து குப்பை சாம்பலாக்கி சரிக்கும் புயலாக வந்து

அல்லது விமானத்தீவிரவாதிகளாக வந்து

நல்லதும் செய்யும்,அல்லதும் செய்யும்

அதனால்தான் காலத்தின் ஓட்டத்தை சக்கரம் என்றார்கள்

கீழே இருந்தவர் மேலே போவார்

மேலே இருந்தவர் கீழே வந்தார்

காலத்தின் கட்டளையை யார் அறிவான்

நாளை நடப்பது காலத்தின் இரகசியம்

அது மர்மம்

காலம்தான் கடவுள் அதுவே
சைத்தானும் கூட‌

இரட்டை வேடம் போடும் சமத்துவ நாயகன்

என்றென்றும் யாரையும் ஒரிடத்தில் உட்கார விடாது

உருட்டிகொண்டேபோகும்

ஏழையை செல்வனாக்கும் செல்வனை

வறுமையாக்கும் அழவைக்கும்

வென்றவனை தோற்கடிக்கும் தோற்றவனை எழவைக்கும்

காலம் அது எசமானன் அதன் சொல்படி உலகம் உருளும்

அவன் மனதில் என்ன என்ன இருக்கு
அதன் மர்மம் யாருக்கும் புரியாது

ஆருடம் சொல்வார் சோதிடம் பார்ப்பார்
அவருக்கே அவர் மரணம் தெரியாது

இதெல்லாம் புரிந்தாலென்ன புரியாமல் இருந்தாலென்ன

காலத்தை கடவுளாக மதிப்போம்
அது நல்லதாக நடத்தி வைக்கும்

காலம் என்பது பிறவிபெருங்கடலில் கப்பல்,

அதனால் கார்யங்கள் கைகூடும்

அதுவரை நடந்த கார்யங்களின்

காரணம் புரியும்

காரணங்கள் புரிந்தால் அதன் ரகசியம் தெளிவாகும்

இரகசியங்கள் தெரிந்த பின் மர்மமங்கள் விளங்கும்
புலம்புவதை விட்டு விட்டு

கடமைகளைச் செய்வோம்
காலத்தின் பின் செல்வோம் அது நம்மை கரை சேர்க்கும்.


Posted by DrBALA SUBRA MANIAN