இறைவனிடம் பிராத்தியுங்கள் தயவு செய்து அவனிடம் பிச்சை கேட்காதீர்கள்

by முழுமுதலோன் Sun Jul 14, 2013 9:48 am

இறைவனிடம் பிராத்தியுங்கள் தயவு செய்து அவனிடம் பிச்சை கேட்காதீர்கள்

கையளவே இதயம் வைத்தான் அதில்

கடல் போலவே ஆசை வைத்தான்

இதயத்தின் அளவு என்ன?
நமது உள்ளங்கையை மடித்து வைத்தால்
அதன் அளவே என மருத்துவத்துறையில் கற்பித்தார்கள்
அதன் நீள அகலம் உயர பரிமானங்கள் அவ்வளவுதான்

ஆனால் அது அடக்கி வைத்திருக்கும் ஆசைகள்?
சின்ன இதயத்துக்குள் இந்துமாக் கடல் அளவு ஆசைகள்?
தாங்குமா அது?
யார் குற்றம் இது?
இறைவன் மேல் பழியைப் போட்டான் கவிஞன்.
கையளவு மனசிலே
கடலளவு ஆசைகளை ஏன் வைத்தாய் இறைவா
அதெல்லாம் நிறைவேறாமல் போனால்தான்
மனிதன் உன்னை நினைத்து கொண்டே இருப்பான் என்று நினைத்தாயோ

நிச்சயம் இல்லை இது இறைவன் வைத்ததில்லை
மனிதன் வளர்த்தது
அவன் அடைத்து கொண்டது

இறைவனிடம் பிராத்தியுங்கள்
தயவு செய்து அவனிடம் பிச்சை கேட்காதீர்கள் என்றார் ஒரு கவிஞர்
அது வேண்டும் இது வேண்டும் என தொல்லை கொடுக்காதீர்கள்
அவன் கொடுப்பதில் திருப்தி அடைந்து விடுங்கள்
அவனுக்கும் நிம்மதி
நமக்கும் அமைதி

ஆசை தாங்காது உன் இதயம் இடிந்து விடும் ஒரு நாள் எனச்சொல்லாமல் சொன்னவன் கவிஞன்
தாங்கும் அளவு பார்த்து வாங்குங்கள்
தகுதியின் அளவு பார்த்து ஏங்குங்கள்
சின்ன பாத்திரத்தில் பெரிய உலகை அடைக்க பார்க்காதீர்

ஆசைபடுவது தவறா?
ஆசையே துன்பம் என்றான் புத்தன்
ஆசைபடாமலே இருக்குமா இந்த இதயம்
அது உதிரத்தாலா ஓடுகிறது
நம் ஆசையால் அல்லவா துடிக்கிறது

ஆசை தவறில்லை அளவுதான் தவறு
தேவை தவறில்லை பேராசைதான் துயரம்
அளவுக்கு அதிகமாக
தகுதிக்கு தாண்டிய‌
தேவைக்கு மேலாக‌
ஆசைகளை மலைமலையாக குவித்தால்
சில நியாயமான ஆசைகள் கூட நிகழாமல் போகும்.

பார்ப்பதெல்லாம் வாங்க வேண்டும்
காண்பதெல்லாம் அனுபவிக்க வேண்டும்
கண்ணுக்கு எட்டும் வரை நிலம் வேண்டும்
கை தொட்டது எல்லாம் பொன் ஆக வேண்டும்
சிகரம் வேண்டும் அதிலிருந்து பற‌க்க வேண்டும்
உலகம் வேண்டும்
அதில் தலைமைப் பதவி வேண்டும்

ஆசைகளுக்கு அளவில்லை
ஆனால் அதை வளர்க்காமல்
தகுதிகளை வளர்த்து கொள்வோம்
வாய்பிருந்தால் அது நிறைவேறக் கூடும்

Posted by DrBALA SUBRA MANIAN