வார்த்தைகள்

உயிர் வாழவும் வைக்கும் ,
உயிரை  எடுக்கவும் செய்யும்,
வார்த்தைகள்  வசமாகிவிட்டால் ,
வானம் வசப்பட்டுவிடும் !
மென்மையோ,
வன்மையோ,
கவனம் வேண்டும்.
தமிழில் ,
ஒற்றெழுத்து போல ,
மிகுந்தால் ஒரு பொருள் ,
குறைந்தால் ஒரு பொருள்,
சரியாக கையாள வேண்டும்.
கூனியின் ஒற்றை வார்த்தை,
கைகேயியை மட்டுமல்ல ,
ஒரு சாம்ராஜியத்தையே,
ஒன்றுமில்லாமல் செய்துவிட்டது .
சகுனியின் வார்த்தை,
ஒரு பாரதப் போரை ,
வரலாற்றில் பதித்தது .
பாண்டியனின் ஒற்றை வார்த்தை ,
கண்ணகியை வெகுண்டெழச் செய்து ,
மதுரையை எரித்தது .
இன்னும் சொல்லலாம் .............
தெரிந்தும்  பேசுகிறோம் ,
 சொல்கிறோம் ,
தெரியாமல் சொல்லிவிட்டோமென்று !
தெரியாமல் என்ற வார்த்தையை ,
அகராதியிலிருந்து தூக்கிவிட்டால் ,
நா காக்க என்பது ,
நயமாய் புரியும்!
இனிமேலாவது ,
யோசிப்போம் !
பேசுவதற்க்கு முன் யோசி -அதுவே ,
உனக்கு தரும் பல ஆசி!

தெரியாமல் என்ற வார்த்தையை ,
அகராதியிலிருந்து தூக்கிவிட்டால் ,
நா காக்க என்பது ,
நயமாய் புரியும்!
இனிமேலாவது ,
யோசிப்போம் !
பேசுவதற்க்கு முன் யோசி -அதுவே ,
உனக்கு தரும் பல ஆசி!

 வார்த்தைகளின் வலியை  சிறப்பாய் சொன்னது உங்கள் கவிதை

வார்த்தைகள் ஒவ்வொன்றும் அருமை