கனடா நாட்டின் தெருவிற்கு சூட்டப்பட்ட மாகாத்மா காந்தியின் பெயர் -

கனடா நாட்டின் தெருவிற்கு சூட்டப்பட்ட மாகாத்மா காந்தியின் பெயர்



இந்தியாவின் 67ஆவது சுதந்திர தினத்தைப் போற்றும் வகையில் கனடா நாட்டில் தெரு ஒன்றிற்கு இந்தியாவின் தேசத் தந்தை மகாத்மா காந்தியின் பெயர் சூட்டப்பட்டுள்ளது

வின்னிபெக் என்ற நகரத்தில் மனித உரிமைகளுக்கான அருங்காட்சியகம் ஒன்று இயங்கி வருகின்றது.கடந்த வியாழன் அன்று இந்திய சுதந்திர தினத்தை ஒட்டிய ஒரு சிறப்பு நிகழ்ச்சி அங்கு நடைபெற்றது.

அதில் கலந்துகொண்ட பேசிய நகர மேயர் சாம் கட்ஸ், மனித உரிமைகளுக்காகப்பாடுபட்ட தனிமனிதத் தலைவரான காந்தியின் பெயரை அருங்காட்சியகம் செயல்படும் தெருவிற்கு சூட்டுவதாக அவர் அறிவித்தார். மேலும் ஆன்மிகம் மற்றும் அரசியல் தலைவராக காந்தியின் செல்வாக்கு இன்றளவும் உணரப்படுவதாக இந்திய மற்றும் பழங்குடி சமூகத்தின் பிரதிநிதிகள்
கலந்துகொண்ட அந்தக் கூட்டத்தில் கட்ஸ் கூறியுள்ளார்.

அகிம்சை மற்றும் சமூக மாற்றத்தைக் குறித்த அவரது போதனைகள் உலகம்
முழுவதும் அடக்குமுறையை எதிர்கொள்ளும் லட்சக்கணக்கான மக்களுக்கு நம்பிக்கை
அளிப்பவையாக உள்ளன.

மற்றவர்களின் சுதந்திரத்தை உறுதி செய்வதற்காக தன்னுடைய வாழ்வை அர்ப்பணித்த தன்னலமில்லாத் தலைவர் காந்தி என்று கட்ஸ் தெரிவித்தார்.கனடாவின் டிரான்ஸ்கோனா பகுதியின் புதிய தெருவிற்கு காந்தியின் பெயரை வைப்பதாக நகராட்சி முடிவு செய்திருந்தது.
 
ஆனால் மனித உரிமை அருங்காட்சியகத்தின் அருகே அவரது பெயர் வைக்கப்படவேண்டும் என்று மகாத்மா காந்தி மையம் எழுப்பிய கோரிக்கையை அடுத்து குடிமை அதிகாரிகள் கடந்த 2010ல் தங்களது முடிவை மாற்றி இந்தத் தெருவைத் தேர்ந்தெடுத்தனர் என்று பத்திரிகை செய்தி தெரிவித்துள்ளது.
-tamilspace

பகிர்விற்கு நன்றி

இதுலும் படம் வரலய அண்ணா

அனைவரும் போற்றத்தக்க வகையில் எதாவது செய்ய வேண்டும்

அருமையான செய்தி பகிர்வுக்கு நன்றி!