இருபதும் இரண்டும்!!!

by sawmya Wed Sep 25, 2013 11:09 am

வாழ்க்கைக்கு தேவையான பாடம்...

இருபதும் இரண்டும் :-

ஒரு முதலாளி. தனக்குச் சொந்தமான பரந்த இடம் முழுதிலும் தென்னங்கன்றுகளை நட வேண்டும் என முடிவு செய்தார். மரக்கன்றுகள் நடுவதற்கு பள்ளம் வெட்ட வேண்டிய வேலையை ரங்கன் என்பவரிடம் ஒப்படைத்தார்.

இந்த வாய்ப்பை பயன்படுத்திக் கொண்டு, நன்றாக உழைத்து நிறைய சம்பாதித்துவிட வேண்டும் என்று நினைத்தான் ரங்கன். ஏனென்றால், அவன் தன் மகளின் திருமணத்திற்குக் கொஞ்சம் கொஞ்சமாக காசு சேர்த்து வருகிறான். இன்னும் போதுமான அளவு பணம் சேரவில்லை.

ரங்கன் முதல் நாளில் இருபது மரக்கன்றுகளை நடுவதர்க்குப் பள்ளம் தோண்டினான். அவன் உழைப்பக் கண்டு முதலாளி அவரை மிகவும் பாராட்டினார்.
பிறகு, ஒவ்வொரு நாளும் அவன் தோண்டுகின்ற பள்ளத்தின் எண்ணிக்கை குறைந்து வரத் தொடங்கியது. நாற்பதாவது நாளில் அவன் காலையிலிருந்து மாலை வரை எவ்வளவோ முயன்றும் இரண்டு பள்ளங்கள் தான் தோண்ட முடிந்தது. ரங்கன் மிகவும் ஏமாற்றமடைந்தான்.

முதல் நாளின்போது இருபது குழி தோண்டியவன், நாற்பதாம் நாளில் இரண்டு குழி தோண்டுகின்றானே. இவனுக்கு என்ன ஆகிற்று? " என முதலாளியும் குழம்பினார். அவர் ரங்கனின் மண்வெட்டியை வாங்கி பரிசோதித்துப் பார்த்தார். மண்வெட்டியின் முனை கூர் மழுங்கி இருந்தது. அவர் ரெங்கனிடம் கேட்டார்.
" நீ உன் பணி ஆயுதத்தைக் கூர்தீட்டி நன்றாக வைத்துக் கொண்டால் என்ன ?"
ரங்கன் சொன்னான் : " இதற்க்கெல்லாம் எனக்குக் கொஞ்சம்கூட நேரமே இல்லை. ஐயா, நான் தான் நாள் முழுவதும் சிறிதும் ஓய்வெடுக்காமல் உழைத்துக்கொண்டிருக்கிறேன். நிறைய வேலை செய்து நிறைய சம்பாதிக்க வேண்டுமே " என்றான்.

முதலாளி சொன்னார் : " ரங்கா, இந்த மண்வெட்டியை போலத்தான் நாமும். நம் அறிவுத்திறனும், உடல் பலனும் மழுங்கிவிட்டால், நம்மால் எதுவுமே செய்ய முடியாது. நன்கு எவ்வளவோ கடமைகள் இருக்கலாம், நிறைய உழைக்க வேண்டி வரலாம். ஆயினும் நம் உடலையும், மனதையும், அறிவையும் எப்போதும் பேணிக் கூர்மையாக வைத்துக் கொள்ள வேண்டும். அப்போதுதான் நம்மால் நிறைய சாதிக்க முடியும். நம் இலக்கை விரைவில் அடைய முடியும்.

- நன்றி! தோழி கலா.

by kanmani singh Wed Sep 25, 2013 12:07 pm

அருமையான கதை. கலாவுக்கும் சௌமியாவுக்கும் நன்றி!

கண்மணி சிங்

இருபதும் இரண்டும்!!!

இருபதும் இரண்டும்!!!

Re: இருபதும் இரண்டும்!!!