தெரிந்து கொள்வோம்: புறாக்கள்

மனிதர்களை விட அன்பில் சிறந்தவை. ஜோடி சேர்ந்தபின் ஒன்றையொன்று இணைபிரியாமல் இருக்கும். ஆண்புறா தனது இணைக்குச் சமமாகக் கூடு கட்டும் வேலையைச் செய்யும். அடை காக்கும். குஞ்சுகளுக்கு உணவு ஊட்டும். ஒன்றாகப் பறக்கும்போது தனது ஜோடி வரும்வரை காத்திருந்து கூடவே பறக்கும்.

எகிப்து, சிரியா, ரோம் மற்றும் நமது இந்தியாவில் பழங்காலத்தில் புறாக்கள் மூலம் தகவல்களைப் பரிமாறிக் கொள்ளும் வழக்கம் இருந்து வந்திருக்கிறது.

புறாக்களை வைத்து பறக்கும் பந்தயங்கள் நடத்தும் வழக்கமும் உண்டு.

எல்லாப் புறாக்களுக்கும் முன்பின் அறிமுகமே இல்லாத இடங்களுக்கும் நாடுகளுக்கும் பறந்து சென்றுவிட்டு தங்களது இருப்பிடத்துக்கு வந்து சேரக்கூடிய திறமை, அறிவு ஆகியவை பிறவியிலேயே உண்டு.
புறாக்களில் மிகவும் சிறப்பானவை "ஹோமர்' எனப்படும் புறாக்கள்.

புறாக்கள் இரவில் பறக்காது.

புறாக்களை வளர்க்க விரும்புபவர்கள், கூடுகள் பரந்து விரிந்தும் காற்றோட்டம் நிறைந்தும் மழைக்கு ஒழுகாமலும் இருக்கும்படி பார்த்துக் கொள்ள வேண்டும்..

நல்ல தானியங்கள், ஊறவைத்த கடலை, பயறு வகைகள் புறாக்களின் உணவாகும்.

மண்கலத்தில் சுத்தமான நீரும். சிப்பித்தூள், உப்பு, சிறு சிறு கற்கள் (மிளகு அளவு) கலந்து கூடுகளில் எப்போதும் இருக்கும்படி பார்த்துக் கொள்ள வேண்டும்.

-புலவர் பெ.விசயலட்சுமி,

பகிர்வுக்கு நன்றி பிரபு

புறா பற்றிய அறியத்தந்தமைக்கு நன்றி

தகவலை பகிர்ந்துகொண்டமைக்கு நன்றி