குரூப் 2 வினாதாள் மோசடி: மேலும் ஒருவர் கைது

by செந்தில் Sun Sep 09, 2012 11:18 am

குரூப் 2 வினாதாள் மோசடி: மேலும் ஒருவர் கைது
பதிவு செய்த நாள் - September 9, 2012 9:17 am

டிஎன்பிஎஸ்சி குரூப்-2 வினாத்தாள் மோசடி வழக்கில் மேலும் ஒருவர் கைது செய்யப்பட்டுள்ளார்.
விழுப்புரத்தைச் சேர்ந்த தேவ் ஆனந்த் என்ற அந்த நபர், அங்குள்ள தனியார் நிறுவனத்தில் பணிபுரிந்து வருகிறார். பெங்களூருரைச் சேர்ந்த மருத்துவர் ஒருவரின் உதவியுடன், ஒடிசாவில் அச்சடிக்கப்பட்ட குரூப்-2 வினாத்தாள்களை பெற்று, தேர்வுக்கு முன்னதாக மாணவர்களுக்கு அவர் விற்றது விசாரணையில் தெரியவந்துள்ளது.
விழுப்புரத்தில் தேவ் ஆனந்தை கைது செய்த தர்மபுரி தனிப்படை காவல்துறையினர், தர்மபுரிக்கு அவரை கொண்டு சென்றுள்ளனர்.
வினாத்தாள் மோசடி விவகாரத்தால் கடந்த மாதம் நடைபெற்ற குரூப்-2 தேர்வு, பின்னர் ரத்து செய்யப்பட்டது. இதுதொடர்பாக, 8 பேர் இதுவரை கைது செய்யப்பட்டுள்ளனர்.
நன்றி -புதிய தலைமுறை