தன்னம்பிக்கை வளர்!

தன்னம்பிக்கை வளர்!

பயமா? அப்படியென்றால் என்ன?

முதலில் ஒரு முக்கிய விஷயத்தை நாம உணரனும். 
இப்போது எப்படி இருக்கோம் என்பதை வைச்சுதான் மத்தவங்க நம்ம எடைபோடறாங்க. 
கடந்த காலத்தில் எப்படி இருந்தோம், எதிர்காலத்தில் எப்படி ஆவோம் என்ற கவலையெல்லாம் பெரும்பாலும் மத்தவங்களுக்கு இல்லை.
கடந்த காலத்தில் தவறு ஏதாவது நடந்திருந்தால் அதைத் திருத்தி செயல்படுவோம். 
மத்தபடி அந்த சம்பவங்களை ஒரு சினிமாவில் நடந்த மாதிரி மறந்திடுவோம்.
ஒருவேளை, கடந்த காலத்தில் சில வாய்ப்புகள் தவறியிருந்தாலும் பரவாயில்லை.
இனிவரும் வாய்ப்புகளை சரியாக பயன்படுத்தினா போதும். 
இப்படிச் செயல்படும் போது நமுடைய நிகழ்காலம் நன்றாகிவிடும். 
அதைத் தொடர்ந்து எதிர்காலமும் சரியாக அமையும்.

ஒரு கவிதை:

நேற்று என்பது உடைந்த பானை.
நாளை என்பது மதில்மேல் பூனை.
இன்று மட்டும்தான் உன் கையில் உள்ள வீணை
அதை நன்றாக வாசி.

ஒரு சிறு கதை:

“பயமா? பயம் என்றால் என்னம்மா?” 

இரவில் தாயின் அருகில் படுத்திருந்த அந்த சிறுவனுக்கு ஏனோ தூக்கம் வரவில்லை.

படுக்கையை விட்டு எழுந்தவன் கதவை திறந்து வெளியே வந்தான். வீட்டின் அருகிலேயே குளம் இருந்தது பௌர்ணமி நிலவும் அதன் ஒளியில் ரம்மியமாக காட்சி தரும் குளத்தின் நீர்ப்பரப்பும் அவன் மனதை கவர்ந்தன.

அச்சிறுவன் குளக்கரையில் அமர்ந்து கொண்டு சிறுகற்களை நீரில் போட்டு அதன் மூலம் எழும் அலைகளை ரசித்தபடி இருந்தான்.

வீட்டில் திடுமென கண்விழித்த தாய் அருகில் படுத்திருந்த மகனை காணமல் பதறிப்போனாள். 

கதவு திறந்திருப்பது கண்டு பதை பதைப்புடன் வெளியே ஓடி வந்தாள். 

தன்மகன் குளக்கரையிலே அமர்ந்திருப்பதை பார்த்து நிம்மதி பெருமூச்சுவிட்டாள். 

அவன் அருகில் சென்று “மகனே நள்ளிரவு வேளையில் இங்கு வந்து தனியாக இருக்கிறாயே… உனக்கு பயம் இல்லையா?” என்று கேட்டாள். 

உடனே அந்த சிறுவன் “பயமா? பயம் என்றால் என்னம்மா?” என்று கேட்டான் அதற்கு பதில் சொல்ல தெரியாமல் திகைத்தாள் அந்த தாய். 

இளம் வயதில் பயம் என்றாலே என்னவென்று அறியாத அந்தச் சிறுவன் யார் தெரியுமா? 

பல நாடுகளை வென்று வெற்றிகளை அள்ளிக்குவித்த மாவீரன் நெப்போலியன் தான் அவன்.


பயத்தை பரிகொடுப்போம். பயணத்தை தொடர்வோம்...
வாழ்க்கை பயணத்தை தொடர்வோம்! தன்னம்பிக்கை வளர்ப்போம்!

நல்ல செய்தி