கண்களை மறைப்பதா? காட்சியை மூடுவதா?

செவ்விழநீர் விக்கிற
கொழும்பு வீதியில்
வேடிக்கை பார்க்க
காலிமுகத்திடலில்
காலை வைத்தேன்!
வெளிநாட்டவர் வருகை
நம்நாட்டவரை மாற்ற
சுற்றுலாவால்
அரசுக்கு வருவாய் ஏற
நல்ல வேடிக்கை தான்!
நுளம்பு வலை போல
அணிந்திருந்த ஆடைகளுக்குள்ளே
மார்புக் கச்சை, இடுப்புக் கச்சை மின்ன
நடைபோட்ட
அழகு வாலைகளைப் பார்த்து
வால் பிடித்த காளைகளை
காவற்றுறை பிடித்ததே!
வாலைகளின் கோலம்
காளைகளைச் சுண்டி இழுக்க
வாலைகளுக்கு
தொல்லை கொடுப்போரென
காவற்றுறை
காளைகளைப் பிடித்தது சரியா?
கண்ணாறை, பன்னாறை போட்ட
வாலைகளைப் பிடிக்காது
பன்னாறை, கண்ணாறை
ஆடைகளுக்குள்ளே மின்னியதைப் பார்த்த
காளைகளைப் பிடித்த
காவற்றுறை கேட்கிறான்
கண்களை மறைப்பதா?
காட்சியை மூடுவதா?
நீங்களும்
ஒரு கணம் எண்ணிப்பாருங்களேன்!
காளைகளின் கண்ணைப் பறிக்கும்
ஆடைகளைப் போட்ட வாலைகளை
பிடித்துச் சிறையிலடைக்க
காவற்றுறையால் முடியாவிட்டால்
காளைகளே வாருங்கள்
காவற்றுறைக்கே கல்லெறிவோம்!

நாகரிகத்தின் வளர்ச்சியைக் காட்ட மனிதன் ஆடை அணியத் துவங்கினான். ஆண் பெண்ணுக்கென்று தனித்தனியான ஆடை வடிவமைப்புகள் கொண்டு வந்து, இதுதான் அந்தந்த நாட்டின் பண்பாட்டை வெளிப்படுத்தும் ஆடை என்று ஏற்றுக் கொள்ளும் அளவிற்கு ஆடையின் வடிவமைப்பு வைத்துக் கொள்ளப்பட்டது. ஒரு நாட்டினரின் ஆடையை மற்ற நாட்டினர் அணிந்து கொள்ள முனையும் போது பண்பாட்டுச் சிதைவாகவும், நாகரிகத்தின் கேடாகவும் பார்க்கப்படுகிறது.

ஆடை உடுத்துதலிலும் இரண்டு விதமான கண்ணோட்டம் காணப்படுகிறது. ஒன்று கிழிந்த ஆடைகள் அணிந்தால் வறுமை நிலையையும், கிழிந்த ஆடைகளை வாங்கி அணிந்தால் நாகரிகமாகவும் கருதும் நிலை உள்ளது.

பெண்ணியவாதிகள் இன்று ஆடைகள் பற்றிக் கேள்வி எழுப்பினால் ஆடைக்கும் பெண்ணியச் சிக்கலுக்கும் காரணமல்ல. ஆண்களின் தவறாக வக்கிரமான எண்ணமும் பார்வையுமே காரணம் என்று தங்கள் கருத்துக்களை முன்வைக்கிறார்கள். பாலியல் ரீதியான கிளர்ச்சிக்கு ஆண்களை இட்டுச்செல்லும் பெண்களின் ஆடைப் பழக்கம் ஆண்களிடம் கனவுகளை வளர்த்தும், நிஜத்தை ஏற்றுக் கொள்ள முடியாத மனநிலைக்குத் தள்ளியும் அவர்களை மனம் மற்றும் உடல் சார்ந்த பல்வேறு நோய்களுக்கு இட்டுச் செல்கிறது.

தெருவிலும், பணித்தளங்களிலும், பொது இடங்களிலும் சந்திக்கும் பெண்களின் வசீகரிக்கும் தோற்றமும், உடைகள் மறைக்காத உடலின் பாகங்கள் தூண்டிவிடும் பாலியல் சிந்தனைகளும், ஆண்களின் மனதில் பதிந்து அவர்களுடைய ஏக்கங்களை விரிவடைய வைத்து ஏமாற்றத்தை அதிகரித்துப் பாலுணர்வை வேறுவகையில் தூண்டி சமுதாயப் பிரச்சினைகளுக்குக் காரணமாக அமைந்துவிடுகிறது. எனவே, அந்தந்த நாட்டிற்கு உரிய பண்பாட்டு அடைகளை அணிந்தால் பாலியல் சிக்கல்கள் பெரும்பான்மையும் எழ வாய்ப்பு இல்லை எனலாம்.

தலைவர் முரளிராஜா அவர்களே! எனது பதிவை விடச் சிறந்த பதிவாக கவியருவி ம.ரமேஷ் அவர்களின் பதில் சிறப்பாக அமைந்துள்ளமையால்; அதனை "ஆடை அணிதலும் உளவியல் பாதிப்பும்" என்ற தலைப்பில் தனிப் பதிவாக இட்டு உதவுங்கள். இதற்கு அமர்க்களம் உறவுகள் ஒத்துழைப்புத் தருவார்கள்.

கவியருவி ம.ரமேஷ் அவர்கள் தனது பதிவில் சிறந்த முறையில் நடுநிலைக் கருத்துடன் அலசி ஆய்வு செய்துள்ளார். மேலும் "அந்தந்த நாட்டிற்கு உரிய பண்பாட்டு அடைகளை அணிந்தால் பாலியல் சிக்கல்கள் பெரும்பான்மையும் எழ வாய்ப்பு இல்லை எனலாம்." என்ற முடிவை எல்லோரும் ஏற்றுக்கொண்டு தான் ஆகவேண்டும். கவியருவி ம.ரமேஷ் அவர்களுக்கு எனது பாராட்டுகள்.

"அந்தந்த நாட்டிற்கு உரிய பண்பாட்டு அடைகளை அணிந்தால் பாலியல் சிக்கல்கள் பெரும்பான்மையும் எழ வாய்ப்பு இல்லை எனலாம்."