ஹாலிவுட்டில் அஜித்தை இயக்க ஆசை!

ஹாலிவுட்டில் அஜித்தை இயக்க ஆசை!

ராம்கோபால் வர்மா, சந்தோஷ் சிவன், மணிரத்னம் எனும் மகா மெகா இயக்குநர்களிடம் சினிமா கற்றவர் விஷ்ணுவர்தன்.

மணிரத்னம் இயக்கிய 'அஞ்சலி' படத்தில் குழந்தை நட்சத்திரமாக விஷ்ணுவர்தன் நடித்தார். டீன் ஏஜ் பருவத்தில் சந்தோஷ் சிவன் இயக்கிய படங்களில் சின்னச் சின்ன வேடங்களில் நடித்துள்ளார்.

அதற்குப் பிறகு விஷ்ணுவர்தன் 'குறும்பு' படம் மூலம் இயக்குநராக அறிமுகமானார். 'அறிந்தும் அறியாமலும்', 'பட்டியல்'. 'பில்லா', 'சர்வம்' படங்களைத் தொடர்ந்து இப்போது 'ஆரம்பம்' படத்தை இயக்கிவருகிறார்.

'எப்போ பாலிவுட்ல படம் பண்ணப் போறீங்க?' என்று கேட்டால். 'ஹாலிவுட்ல கூட படம் பண்ணணும்னு ஆசை இருக்கு' என்று சிரிக்கிறார்.

'' நான் பாலிவுட்லயே செட்டில் ஆகியிருக்க வேண்டிய ஆள் தான். என்னோட ஆரம்பம் சென்னைல இருக்கணும்னுதான் இங்கே வந்தேன்.

திரும்ப பாலிவுட் போறது ஈஸி. ஒரு நல்ல கதை ரெடி பண்ணிட்டுப் போயிடலாம். ஆனா, பாலிவுட், ஹாலிவுட்ல அஜித்தை வேற மாதிரி காட்ட ஆசைப்படறேன். ஆனா, தல இப்போ ரொம்ப பிஸியா இருக்கார்.
டைம் கிடைச்சா பாலிவுட் மட்டும் இல்லை, ஹாலிவுட் படமே எடுப்பேன். அது வேற ஒரு ப்ராசஸ். ஆனா, கண்டிப்பா நடக்கும்'' தாடி தடவிச் சிரிக்கிறார் விஷ்ணுவர்தன்.

நன்றி
சினிமா விகடன்