என்றும் இன்பம் தரும் எலுமிச்சை ரசம்

by முழுமுதலோன் Tue Oct 01, 2013 10:37 am

எலுமிச்சை ரசம்
தேவையான பொருட்கள்:
தக்காளி- 1
பருப்புத்தண்ணீர்- 1/2 டம்ளர்
புளி-எலுமிச்சை அளவு
எலுமிச்சைச்சாறு- 1 டீஸ்பூன்
ரசப்பொடி- 11/2 டீஸ்பூன்
உப்பு- தேவையான அளவு
மஞ்சள் தூள்,காயம்- சிறிதளவு
தாளிக்க- எண்ணெய்,கடுகு,கறிவேப்பிலை
அலங்கரிக்க- கொத்தமல்லித்தழைகள்
செய்முறை:
1.புளியைக் கரைத்த நீரை அடுப்பில் சுட வைக்கவும்.
2.தக்காளியைக் கசக்கிப் பிழிந்து புளி நீருடன் சேர்க்கவும்.
3.அதனுடன் உப்பு,மஞ்சள் தூள்,ரசப்பொடி,காயம் ஆகியனவற்றைச் சேர்க்கவும்.
4.ரசம் கொதிக்கத் தொடங்கும், பச்சை வாசனை மறைந்தவுடன் அடுப்பை அணைக்க வேண்டும்.
5.எலுமிச்சைச்சாற்றைச் சேர்த்து நன்றாகக் கலக்க வேண்டும்.
6.ஒரு வாணலியில் எண்ணெய் விட்டு கடுகு,கறிவேப்பிலை தாளிசம் செய்து ரசத்துடன் சேர்க்க வேண்டும்.
கூடுதல் குறிப்புகள்:
1.எலுமிச்சைச்சாற்றை எந்த உணவில் சேர்க்கும் போதும் இறுதியிலோ உணவை அடுப்பிலிருந்து இறக்கும் வேளையிலோ தான் சேர்க்க வேண்டும். ஆரம்பத்திலேயே சேர்க்கக் கூடாது. ஆதே போல் அதிக அளவில் எலுமிச்சைச்சாற்றைப் பயன்படுத்தினால் பதார்த்தம் கசந்து விடும்.
2.சாம்பாருக்குச் செய்து வைத்துள்ள பருப்பைப் பயன்படுத்தி அதைக் கரைத்து ரசத்திற்குப் பருப்புத்தண்ணீர் எடுத்துக் கொள்ளலாம். தனியே செய்ய வேண்டிய அவசியமில்லை.
3. தக்காளியை மசித்துச் சேர்த்தால் தான் தக்காளியின் சாறு ரசத்தின் சுவையை அதிகரிக்கும்.,தக்காளியை அரைத்தும் பயன்படுத்தலாம்
4.குழம்பை விட ரசம் சீக்கிரம் தயாராகி விடுவதால் அதிக நேரம் கொதிக்க வைக்கத் தேவையில்லை.
5.புளி சேர்க்காமலும் பருப்பு ரசம் போலச் செய்து இறுதியில் எலுமிச்சையைப் பிழியலாம், எலுமிச்சையின் புளிப்பே ரசத்திற்குப் போதுமானது.

http://kayasandigai.wordpress.com/