உலக கை கழுவும் தினம் -அக்டோபர் 15

by முழுமுதலோன் Tue Oct 15, 2013 8:02 am

சர்வதேச கை கழுவும் தினம்
நாம் அன்றாடம் கேள்விப்படும் சர்வதேச தினங்களின் வரிசையில் இப்போது கை கழுவும் தினமும் சேர்ந்து கொண்டுள்ளது. கை கழுவுவதற்கு என்று ஒரு தினமா என்று அனேகர் ஆச்சரியப்படக்கூடும். ஆனால், சர்வதேச தினமொன்றை அனுஷ்டிப்பதன் மூலம் வலியுறுத்தப்பட வேண்டிய முக்கியமானதொரு விடயமாகிவிட்டிருக்கிறது ‘கை கழுவுதல்’உலக கை கழுவும் தினம்.
உலக கை கழுவும் தினம் -அக்டோபர் 15 F-2-1

சிறுவர் முதல் பெரியோர் வரை கை கழுவும் பழக்கத்தை ஏற்படுத்திக்கொள்ள வேண்டும். முக்கியமாக தாய்மார் தங்கள் பிள்ளைகளுக்கு சிறு வயதிலேயே கை கழுவுவதன் முக்கியத்துவத்தை விளக்க வேண்டும். சிறார்கள் ஒழுங்காகக் கை கழுவினால் அவர்களது வாழ்க்கை ஒளிமயமானதாக இருக்கும். தொட்டில் பழக்கம் சுடுகாடு மட்டும். இன்று குழந்தைகள் பிறக்கும் வீதம் அதிகமானதாக உள்ளது. சிசு மரண வீதமும் அதிகமானதாகும்.
100க்கு 10 வீத மரணத்திற்கு காரணம் 3 முதல் 4 நாட்களுக்குள் ஆஸ்பத்திரியில் ஏற்படும் தொற்றுக்களே. ஆஸ்பத்திரியில் இருக்கும் குழந்தைகளையும் நோயாளிகளையும் பார்க்க செல்லும் உறவினர்களும் இதற்கு காரணமாக உள்ளனர். அசுத்தம் காரணமாகவும், கை தூய்மை அற்றதாக இருப்பதும் நோய் தொற்றுவதற்கு ஏதுவாக அமைகின்றது.
முக்கியமாக கர்ப்பிணி தாய்மார் சாப்பிடுவதற்கு முன்னும் பின்னும் கை கழுவுதல் வேண்டும். கர்ப்ப காலத்தில் பெண்கள் பல அசெளகரியங்களுக்கு உள்ளாகின்றனர். இது அவர்களுக்கு ஏற்படும் நோயல்ல பாலூட்டும் தாய்மார் வெளியே சென்று வந்த பின்னும் பால் கொடுக்கும்போதும் உணவு ஊட்டும்போதும், குழந்தைகளின் துணி, உடைகள் அவர்கள் சிறுநீர், மலம் கழித்த பின்னரும் கைகளை கழுவுதல் மிக அவசியம்.
வயிற்றோட்டம் போன்ற நோய் தொற்றுதலிருந்து நம்மையும், குடும்பத்தையும் பாதுகாக்க வேண்டும். நோய் தொற்றுவதால் மரணமும் ஏற்படலாம். குடும்பமே இதில் பாதிக்கப்படுகிறது. நோய் அணுகாமல் பாதுகாத்துக்கொள்வது ஒவ்வொரு தாயினதும் மிகப் பெரிய பொறுப்பாகும்.
கைககழுவுவதன் முக்கியத்துவத்தை உணர்த்தும் முகமாக மக்களிடம் தெளிவை ஏற்படுத்தவே உலக கைகழுவும் தினம் 2008 ஆம் ஆண்டுமுதல் அனுஷ்டிக்கப்படுகின்றது. குழந்தைகள் மத்தியிலும், பாடசாலை மட்டத்திலும் முதன் முதலாக இப்பழக்கம் ஆரம்பிக்கப்பட்டது. இந்த வருட தொனிப்பொருளாக தாய்மார் மத்தியில் இந்நாளை ஊக்குவித்தல் அமைகின்றது.
தாய் - சேய் பாதுகாப்பு, கர்ப்பிணி பெண்கள், சிறு குழந்தைகள் (5 வயது தொடக்கம்) முழு குடும்பத்தையும் பாதுகாக்கும் பாரிய பொறுப்பும் சுகாதார அமைச்சுக்கு உள்ளது.
உலக கை கழுவும் தினம் -அக்டோபர் 15 F-2-2

சுகாதார ஊழியர்கள் மக்களைத் தெளிவுப்படுத்தும் பல வேலைத்திட்டங்களை முன்னெடுத்துச் செல்கின்றனர். முதல் கட்டமாக சுகாதார ஊழியர்கள் வீடு வீடாகச் சென்று தெளிவூட்டுகிறார்கள்.
இந்த வேலைத்திட்டத்தை முதலில் காலி, கம்பஹா மாவட்டங்களில் ஆரம்பித்துள்ளனர். கொழும்பு வடக்கு பிரதேச சபை ஊழியர்களும் இத்திட்டத்தை முன்னெடுத்து வருகிறார்கள். ஆஸ்பத்திரிக்கு நோயாளிகளை பார்க்கப் போகும்போது சவர்க்காரமிட்டு கைகழுவிவிட்டு போக வேண்டும். அதேபோல் அவர்களை பார்த்துவிட்டு வந்த பின்னரும் கை கழுவ வேண்டும். ஒவ்வொரு ஊடகவியலாளரும் இதை மக்கள் மத்தியில் கொண்டு செல்ல உறுதுணை புரிய வேண்டும்.
குறைந்த நிறையுடன் பிறக்கும் குழந்தைகள் இலகுவில் நோயினால் பாதிக்கப்படுவர். இவர்களை பராமரித்து குழந்தை மரணத்தை தவிர்க்க வேண்டும். ஆசியாவிலே அதாவது இலங்கையிலேயே தாய்சேய் மரணம் மிக குறைவாக காணப்படுகிறது. சுகாதார அமைச்சும், சுகாதாரக் கல்வி நிறுவனமும் யுனிலிவர் நிறுவனமும் இணைந்து நடத்திய செய்தியாளர் மாநாட்டில் விசேட வைத்திய நிபுணர்கள், யுனிலிவர் நிறுவனத்தின் அதிகாரிகள் பலரும் கலந்துகொண்டனர்.
அரசாங்கம் என்ற வகையிலும் சுகாதார அமைச்சு என்ற வகையிலும் பணத்தை செலவழிப்பது மாத்திரமன்றி இதனால் நல்ல பலாபலனை இந்நாடு பெற வேண்டும். இதுவே சுகாதார அமைச்சின் குறிக்கோளாகும்.

http://www.thinakaran.lk/Vaaramanjari/2012/11/18/?fn=f1211182