முளைகட்டிய பச்சைபயிறு கூட்டு

தேவையான பொருள்கள்:
முளைகட்டிய பச்சைபயிறு - 200 கிராம்
பூசணிக்காய் - 200 கிராம்
உப்பு - 3/4 ஸ்பூன்
தேங்காய் துருவல் - 1/2 கப்
பச்சை மிளகாய் - 1 அல்லது 2
தேங்காய் எண்ணை - 2 ஸ்பூன்
கறிவேப்பிலை - சிறிது

செய்முறை விளக்கம்:
முதலில் பயிறினை உப்பு சேர்த்து சிறிது தண்ணீர் விட்டு குக்கரில் 1 விசில் விடவும்
ப்ரெஷர் அடங்கியதும் நறுக்கிய பூசணிக்காய் சேர்த்து கிளறி இன்னொரு விசில் விடவும்..
ப்ரெஷர் அடங்கியதும் திறந்து தேங்காய் மற்றும் பச்சை மிளகாய் அரைத்து ஊற்றி கிளறவும்.
ஒரு கொதி வந்ததும் பச்சை தேங்காய் எண்ணை மற்றும் கறிவேப்பிலை சேர்த்து கிளறி இறக்கவும்

பொதுவாகவே முளைகட்டிய பயிறில் பொரியல் அல்லது சாலட் தான் செய்வோம். எளிமையான இந்த குறிப்பின் சுவை அருமையாக இருக்கும். மேலும் இது உடலுக்கு ரொம்ப நல்லது, சிறியவர்கள் முதல் பெரியவர்கள் வரை சாப்பிடலாம். சாப்பிட்டு பாருங்களேன்.

மற்றொரு இனிய நன்னாளில் மற்றொரு சமையல் குறிப்பை பார்க்கலாம்.

இந்த பதிவில் ஒட்டு பதிவு வைத்துள்ளேன், ஒரு வாரம் வரை இது இடம்பெறும்... பொதுவா ஒட்டு பதிவு வைப்பது இத்தள உறுபினர்கள் எதை அதிகம் விரும்புகிறார்கள் என்பதை தெரிந்துக்கொள்ளவே.

நன்றி
அறுசுவை.காம்

முளைகட்டிய பயறு உடம்புக்கு மிகவும் நல்லது
நல்லதொரு குறிப்பு கொடுத்த சகோவுக்கு நன்றி

வரவேற்கிறேன் சகோ...