அழகான மாங்கனி

அன்றொரு நாள்
எங்கட வீட்டு வளவுக்குள்ளே
ஆங்கொரு காகம்
எங்கிருந்தோ கொணர்ந்த மாங்கனியை
வேலி ஓரமாய் நின்று
'கா', 'கா' எனக் கத்தி
தன்கூட்டத்தோடு தின்று போட்டு
கொட்டையை மட்டும் விட்டுச் சென்றது!
'கா', 'கா' எனக் கத்தி
தன்கூட்டத்தோடு தின்ற
காகங்களைக் காட்டி
ஒற்றுமைக்குச் சான்று
இதுதாண்டா என்று
எனக்கு
அப்பரும் அறிவூட்டினாரன்று!
அன்று
காகம் பழம் தின்று
கொட்டை போட்டுச் செல்ல
இன்று
அக்கொட்டையும் முளைத்து மரமாகி
அழகான மாங்கனியைத் தர
நம்ம குடும்பம்
ஒற்றுமையாகக் கூடித் தின்னேக்க
சேலமா? கறுத்தக்கொழும்பா?
விலாட்டா? அம்பலவியா? செம்பாடா?
எந்த இனமோ எம்பாடு கொண்டாட்டமென
உண்டு களித்தோமே!
அன்று
வீட்டுக்கொரு மரம் நட்டிருந்தால்
இன்று
அழகான மாங்கனியைச் சுவைப்பது போல
மழையைக் கூட
வர வைச்சிருப்போமென...
மண்டையைப் பிளக்கும்
உச்ச வெயிலைக் கூட
விரட்டியிருப்போமென...
எண்ணிப் பார்க்க முடிகிறதே!

மரம் வளர்த்து கனி பெற்று களிப்புறுவோம்...

கூடவே மழையையும் பெருவோம்...

கவிதைக்குப் பாராட்டுகள்

அசத்தல் கவிதை அண்ணா. நன்றி

சிறப்பான கவிதை 
அருமை

அன்று
வீட்டுக்கொரு மரம் நட்டிருந்தால்
இன்று
அழகான மாங்கனியைச் சுவைப்பது போல
மழையைக் கூட
வர வைச்சிருப்போமென...
மண்டையைப் பிளக்கும்
உச்ச வெயிலைக் கூட
விரட்டியிருப்போமென...
எண்ணிப் பார்க்க முடிகிறதே!

கவிதை அருமை நண்பா..

கண்மணி சிங்

கவிதை அருமை

கருத்துத் தெரிவித்த
நண்பர்கள் எல்லோருக்கும்
மிக்க நன்றி.