winamp (விண் ஆம்ப்) தன் சேவையை நிறுத்திகொள்கிறது

by முரளிராஜா Fri Dec 06, 2013 11:59 am

கடந்த பதினைந்து வருடங்களாக கம்ப்பூட்டர் பயன்படுத்தியவர்களின் இசை நண்பனாக இருந்து வந்த விண் ஆம்ப் தற்போது மூடுடப்படும் தருவாயில் உள்ளது. கம்ப்பூட்டர் வைத்திருக்கும் யாரும் விண் ஆம்ப்பை பயன்படுத்தாமல் இருந்திருக்க முடியாது.

சென்ற நவம்பர் 21 அன்று இந்த புதிய பதிப்பினை வெளியிடுகையில், இணைய தளம் மற்றும் அப்ளிகேஷன் புரோகிராம் மூடப்படும் தகவலும் தரப்பட்டுள்ளது.

[You must be registered and logged in to see this image.]

விண் ஆம்ப் உருவாக்கப்பட்ட விதம்

Utah பல்கலைக் கழகத்தில் பயின்று வந்த ஜஸ்டின் ப்ராங்கெல் (Justin Frankel) மற்றும் ட்மிட்ரி போல்டிரேவ் (Dmitry Boldyrev) என்ற இரு மாணவர்களால் உருவாக்கப்பட்டு, விண் ஆம்ப் முதல் பதிப்பு 1997ல் இலவசமாகத் தரப்பட்டது. ஒரு காலத்தில், இதனைப் பயன்படுத்தியவர்களின் எண்ணிக்கை 5 கோடியைத் தாண்டி இருந்தது. ப்ராங்கெல் தன் நிறுவனத்தினை Nullsoft எனப் பெயரிட்டார். தொடர்ந்து பல மாற்றங்களை விண் ஆம்ப் புரோகிராமில் இணைத்தார்.

விண் ஆம்ப் சப்போர்ட் செய்த பார்மட்டுகள்

MP3, MIDI, MOD, MPEG1 audio layers 1 and 2, AAC, M4A, FLAC, WAV and WMA எனப் பல்வேறு பார்மட்களில் அமைந்த இசைப் பைல்களை வெகு சுலபமாக விண் ஆம்ப் இயக்கியது. விண்டோஸ் இயக்கத்தில் இயங்கிய, பலரின் அபிமானம் பெற்ற, மியூசிக் பிளேயராக இது இருந்தது. எம்பி3 பைல்கள் பரவலாக அனைவரிடமும் பகிர்தலில் இருந்த போது, இந்த புரோகிராமைப் பயன்படுத்தியவர் எண்ணிக்கை மள மளவென உயர்ந்திருந்தது.

விண் ஆம்பின் மாற்றம்

தொடக்கத்தில் விண்டோஸ் இயக்கத்திற்கு மட்டும் என விண் ஆம்ப் வடிவமைக்கப்பட்டாலும், பின் நாளில், ஆண்ட்ராய்ட், MAC OS ஆகிய சிஸ்டங்களிலும் இயங்கும் வகையில் இது வடிவமைக்கப்பட்டுத் தரப்பட்டது.

[You must be registered and logged in to see this image.]

விண் ஆம்ப்பின் இருவர் ஐ ட்யூன்ஸ் உருவாக்கத்தில், முதலில் விண் ஆம்ப் தாக்கம் இருந்தது. விண் ஆம்ப் உருவாக்கிய Justin Frankel மற்றும் Dmitry Boldyrev இருவரும், இசை அப்ளிகேஷனுக்கு ஒரு நல்ல பாதையை எடுத்துக் கொடுத்தனர் என்பது அனைவரும் ஒப்புக் கொள்ள வேண்டிய உண்மை. இசை உலகில் இவர்கள் இருவருக்கும் அழியாத புகழும் இடமும் உண்டு.

விண் ஆம்ப் நிறுவனத்தை மூடக் காரணம் விண் ஆம்ப் நிறுவனத்தை மூட வேண்டும் என்ற முடிவு திடீரென எடுத்த முடிவு அல்ல. ஐ ட்யூன்ஸ், விண்டோ மீடியா பிளேயர் ஆகியவற்றின் பயன்பாடு மற்றும் தொழில் நுட்ப வளர்ச்சி காரணமாக, சில ஆண்டுகளாகவே, விண் ஆம்ப் எந்த வித புதிய மாற்றத்தையும் மேற்கொள்ளாமல் இருந்தது. டிஜிட்டல் உலகில், பயன்படுத்தாத எதுவும் மறைந்து போகும் என்ற கூற்று உண்மையாகியுள்ளது.

நன்றி [You must be registered and logged in to see this link.]