அம்மா உன்னை பற்றிய நினைவுகள் ....

by சரவணக்குமார்.மு Sun Dec 15, 2013 6:52 pm

அம்மா உன் நினைவுநாளின் குறிப்புகளில் இருந்து………………

நான் ஒவ்வொரு பயணத்திற்கு புறப்படும் போதும்
நீ கடந்த காலமாகி போனாய்!
இன்னும் அறிவியல் வளரவில்லை
நான் மீண்டும் கடந்த காலத்திற்கு பயணிக்க!
உன் நினைவின் முடிவிலும்!
என் விழியிலிருந்து வடியும் கண்ணீரை
என் தலையணை தான் துடைக்கிறது!
உன் நினைவுகளையும் சுமந்துகொண்டு
நீ எங்கே தொலைந்து போனாய் அம்மா…………!
நாளும் உன்னை தேடுகிறேன்!
ஒரு சொட்டு தேநீரின் சுவையிலும்
உன் மடியின் கதகதப்பிலும்
உணவிற்காக மரப்பொந்தில் காத்திருக்கும்
ஒரு குஞ்சு கிளியைப் போல்
நானும் காத்திருக்கிறேன்
உன் வருகைக்காக!
மு.சரவணக்குமார் (15/12/2013)

by முரளிராஜா Sun Dec 15, 2013 6:59 pm

காத்திருப்பது நானும்தான் சரவணகுமார் என் தாயோடு வாழ்ந்த எல்லையற்ற மகிழ்வான அந்த கடந்த காலத்தை

விரும்பினேன் உங்கள் வரிகளை என் தேடலோடு ஒத்து போவதால்

by சரவணக்குமார்.மு Sun Dec 15, 2013 7:06 pm

நன்றி !

by பித்தன் Sun Dec 15, 2013 8:10 pm

காலம் ஒரு வினோத விளையாட்டை கொண்டது, மனதின் வலியை அதுவே ஏற்படுத்தும். அதுவே வலி தீர களிம்பும் பூசும். ஆனால் அது ஒரே ஒரு முறை தோற்று போகும். ஆம் அன்னையின் நினைவை, மழையில் நனைந்த மரம் எப்படி கனத்து போய் இருக்குமோ. அது போல மனதின் உள்ளீடு முழுக்க நிறைந்து இருக்கும் அன்னையின் நினைவுகளுக்கு பதில் இல்லாமல், தோற்று போய்தான் இருக்கும்.

பித்தனுக்கும் புரியும் இந்த வலி.