சருமத்தை பராமரிக்க உதவும் காய்கறிகள்

குளிர்காலம் வந்துவிட்டாலே நமது சருமமும் முகமும் வறண்டு பொலிவிழந்து காட்சியளிக்கும். இதனை போக்குவதற்கு நாம் குளிர்காலங்களில் நமது சரும பராமரிப்பில் சிறிது கவனம் செலுத்த வேண்டும். குளிர்காலங்களில் நமது சருமத்திற்கு போதுமான பராமரிப்பும் ஊட்டச்சத்து அளிப்பும் இன்றியமையாத ஒன்றாகும்.

அதனால், குளிர்காலங்களில் விளையும் காய்கறிகளை பயன்படுத்தி சருமத்தை பராமரிப்பதற்கான டிப்ஸ் சிலவற்றை படிக்கலாம். பீன்ஸ், முட்டைக்கோஸ், கீரை, பசலை கீரை, கேரட், வெங்காயம், பட்டாணி மற்றும் அஸ்பாரகஸ்(தண்ணீர்விட்டான் கிழங்கு) போன்றவை குளிர்கால காய்கறிகள் ஆகும்.

இந்த காய்கறிகளில் அதிக அளவில் விட்டமின்களும் ஊட்டச்சத்து ம் நிறைந்துள்ளன. இவற்றை உங்கள் வீட்டு தோட்டத்தில் எளிதாக வளர்த்து தினமும் சாப்பிடலாம். இந்த குளிர்கால காய்கறிகளை பயன்படுத்தி உங்கள் சருமத்தை பராமரிப்பதை பார்க்கலாம்..

>> கேரட்டில் இன்றியமையாத வைட்டமின்கள் நிறைந்துள்ளதால் அவை உங்கள் கண்களுக்கு நல்லது. அதேபோல், கேரட்டுகள் உங்கள் சரும பயன்களுக்கும் உதவி புரியும்.

கேரட்டில் நிறைந்துள்ள வைட்டமின்கள் புறஊதாக்கதிர்களிடம் இருந்து உங்கள் சருமத்தை பாதுகாக்கும் மேலும் சரும மூப்படைவு, சரும நிறமாற்றம், பருக்கள் மற்றும் சரும திட்டுகள் போன்றவற்றை தடுக்க உதவும். கேரட்டை ஃபேஸ் பேக்காக உபயோகப்படுத்தலாம். அதுமட்டுமல்லாது, கேரட் சாற்றை குடிப்பது, பச்சையாக சாப்பிடுவது போன்றவை குளிர்கால காய்கறிகளை பயன்படுத்தி சரும பராமரிப்பு வழிகளில் ஒன்றாகும்.

>> குறைவான கொழுப்புசக்தியை அளிக்கும் இந்த ஊட்டச்சத்து நிறைந்த உணவு நமது சருமத்திற்கும் சிறந்த பலனை தரும். இந்த முளைக்கட்டிய தானியங்களை ஏராளமான டயடீஷியங்களும், சருமத்தை பராமரிக்க சரும நிபுணர்களும், உடை எடையை குறைப்பதற்கும் பரிந்துரை செய்கின்றனர்.

இவை நமது முகத்தில் உள்ள அழுக்கையும் எண்ணெய் பசையையும் நீக்க உதவுகின்றது.இதன் மூலமாக முகத்தில் வரும் பருக்கள் நீக்கப்படுகின்றது. முளைக்கட்டிய தானியங்கள் மூப்படைதல் அறிகுறிகளான சுருக்கம், கோடுகள், கருவளையம் போன்றவற்றை தடுக்கின்றது. இந்த முளைக்கட்டிய தானியங்கள் குளிர்கால காய்கறிகளை பயன்படுத்தி செய்யும் சரும பராமரிப்பு வழிகளில் ஒன்றாகும்.

>> இந்த கீரையை பெரும்பாலும் சாலட், சாண்ட்விட்ச், பர்கர் போன்றவற்றில் தான் உபயோகிக்கின்றனர். இந்த பச்சை காய்கறியில் ஏராளமான சரும பலன்கள் நிறைந்துள்ளது. இதில் உள்ள வைட்டமின் ஏ உங்கள் சருமத்திற்கு புத்துயிர் அளிக்கின்றது.

இதில் நிறைந்துள்ள பொட்டாசியம் உங்கள் சருமத்தை ஜொலிக்கச் செய்கின்றது. மேலும், இதனை உட்கொள்ளுவதன் மூலமாக உங்கள் உடலில் உள்ள நச்சுபொருட்கள் நீக்கப்பட்டு உங்கள் உடலும் சருமமும் ஆரோக்கியமாக இருக்கச் செய்கின்றது.

தகவல் - மாலைமலர்