வன்முறை 'வீடியோகேம்' விளையாடினால்

by முரளிராஜா Tue Dec 17, 2013 10:29 am

இருந்த இடத்திலிருந்து உடம்பை அசைக்காமல் ஆடும் வீடியோ கேம், குழந்தைகள், இளைஞர்களின் விருப்பமாக உள்ளது. இதனால் அவர்கள் மத்தியில் ஆக்ரோஷ குணம் வளர்வது மட்டுமல்ல, அதிகம் உணவு சாப்பிடும் பழக்கமும், ஏமாற்றும் குணமும் கூட வளர்கிறது என்று தெரிவிக்கப்படுகிறது.

இதுதொடர்பான ஆய்வை மேற்கொண்ட ஆய்வாளர்கள், வன்முறையான வீடியோ கேமை விளையாடு வோர், அதிகம் சாக்லேட் சாப்பிடுவதும், பரிசுப் பொருள் லாட்டரிச் சீட்டுகள் போன்றவற்றைத் திருடுவதும் தங்கள் ஆய்வில் உறுதி செய்யப்பட்டிருக்கிறது என்கின்றனர்.

குறிப்பாக, 'டீனேஜ்' பருவத்தினர் மத்தியில் வீடியோ கேம் தாக்கம் அதிகமாக இருக்கிறதாம். எப்படியும் வீடியோ கேமில் வென்றே ஆக வேண்டும் என்று எண்ணம் அதிகமாக வளர்ந்திருப்பதால், அவர்கள் நீதி, நெறி என்பவை குறித்தெல்லாம் அதிகம் அலட்டிக்கொள்வதில்லை என்பது ஆய்வாளர்கள் கருத்து.

வீடியோ கேம்கள் ஏற்படுத்தும் தாக்கங்கள் குறித்து தற்போது ஆய்வுகள் வெளிக்கொணர்ந்திருக்கும் முடிவுகளைவிட அதிகமான பாதிப்புகள் இருக்கக்கூடும் என்று கருதப்படுகிறது.

ஆய்வாளர்களில் ஒருவரும், ஒஹையோ மாநில பல்கலைக் கழக தொடர்பியல் மற்றும் உளவியல் பேராசிரியருமான பிராட் புஷ்மேன் இக்கருத்தை அழுத்தமாக வலியுறுத்துகிறார்.

நன்றி மாலை மலர்

by sawmya Tue Dec 17, 2013 4:12 pm

வன்முறை 'வீடியோகேம்' விளையாடினால்

வன்முறை 'வீடியோகேம்' விளையாடினால்

Re: வன்முறை 'வீடியோகேம்' விளையாடினால்