உதவிகரம் நீட்ட யாரேனும் உண்டா ?

பிறந்து சில மாதங்களே ஆன என் அன்பு

மகனின் இதயத்தில் ஓட்டை இருப்பதாய்

மருத்துவர் உறுதி செய்துவிட்டனர்

உடனடியாய் அறுவை சிகிச்சை செய்ய

ஆலோசனை செய்துள்ளனர் ...

இதய நோயில் வாடும் என் மகனுக்கு

உதவிகரம் நீட்ட யாரேனும் உண்டா ?

நண்பர் சரணுக்கு, உங்கள் மகனுக்கு வந்த பிரச்சனை யாருக்கும் வரக்கூடாது. ஆனால் உங்களுக்கு  உதவும் நிலையில் நண்பர்கள் அமர்க்களத்தில் யாரும் இருப்பதாக தெரியவில்லை. இதற்க்கான சில டிரஸ்ட்கள் பெரும் நகர்களில் இருக்கிறது. அவர்களிடம் கேட்டு பார்த்தீர்களா?

நீங்க எங்க இருக்கீங்க, உங்கள் மகன் வயது என்ன? எந்த மருத்துவரிடம் உங்கள் மகனை காட்டினீர்கள். எவ்வளவு பண உதவி தேவைப்படுகிறது என்பதை பற்றி சொல்லவில்லை.

விவரங்களை [You must be registered and logged in to see this link.] என்ற மின்னஞ்சல் முகவரிக்கு அனுப்புங்கள். எங்களால் முடிந்தவரை நல்ல ஆலோசனைகளை தருகிறோம்.

முதலில் உங்கள் மகனை நல்ல நிலமைக்கு கொண்டுவர முயற்சியுங்கள், பின்னர் அமர்க்களம் பக்கம் வாருங்கள்.


நட்புடன்
ஸ்ரீராம்

அன்புள்ள நண்பருக்கு :  பயப்பட வேண்டாம்.  தீர்வு ஒன்று உள்ளது.  புத்தக கடையில் HEALTH IN YOUR HANDS என்ற புத்தகம் உள்ளது.  இதன் தமிழ் ஆக்கமும் கடையில் உண்டு.  இந்த புத்தகத்தை எழுதியவர் ஸ்ரீ Devendra Vohra.  அதில் அட்ரஸ் உள்ளது.  போன் நம்பர் உள்ளது.  சந்தேகம் கேட்கலாம்  அல்லது பாம்பே அட்ரஸில் அவரை நேரில் பார்த்து வரலாம்.  எல்லாவிதமான நோய்களுக்கும் தீர்வு உண்டு. எல்லாம் இலவசம்தான். செய்து பார்த்து பலன் அடைந்ததால் எழுதுகிறேன்.

ரொம்ப ரொம்ப நன்றி ராமன்.

தெரிந்தவர்கள்தான் அந்த நண்பரை கை தூக்கிவிட வேண்டும், நீங்கள் கூறிய ஆலோசனை அவருக்கு கண்டிப்பாக உதவலாம். முகநூல் மூலம் கூட பலர் உதவி கரம் நீட்டுவார்கள்.

மேலும் நண்பர்கள் தங்களுக்கு தெரிந்த ஆலோசனையை பகிரலாம்‌.....

நம்பிக்கை ஏற்படுத்திய உறவுகளுக்கு நன்றி...

உதவி கேட்டவர் தன்னம்பிக்கையோடு செயல்படட்டும்... குழந்தையும் நலம் பெறட்டும்...

vraman wrote:அன்புள்ள நண்பருக்கு :  பயப்பட வேண்டாம்.  தீர்வு ஒன்று உள்ளது.  புத்தக கடையில் HEALTH IN YOUR HANDS என்ற புத்தகம் உள்ளது.  இதன் தமிழ் ஆக்கமும் கடையில் உண்டு.  இந்த புத்தகத்தை எழுதியவர் ஸ்ரீ Devendra Vohra.  அதில் அட்ரஸ் உள்ளது.  போன் நம்பர் உள்ளது.  சந்தேகம் கேட்கலாம்  அல்லது பாம்பே அட்ரஸில் அவரை நேரில் பார்த்து வரலாம்.  எல்லாவிதமான நோய்களுக்கும் தீர்வு உண்டு. எல்லாம் இலவசம்தான். செய்து பார்த்து பலன் அடைந்ததால் எழுதுகிறேன்.

நன்றி ராமன்
தங்களது பதில் நண்பருக்கு நம்பிக்கையை ஏற்படுத்தும்.

நன்றிகள் கோடி தோழமையே ....

உங்களின் வார்த்தைகளும் வாழ்த்துக்களும் பிரார்த்தனைகளும் மனதிற்கு மிகுந்த ஆறுதலாக உள்ளது...

10 மாதங்களே ஆன என் மகனின் இதயத்தில் உள்ள ஓட்டையில் இருந்து இரத்தம் லேசாக கசிய தொடங்கியிருக்கிறது என்றும் சீக்கிரமே அறுவை சிகிச்சை செய்வது தான் நல்லது என்றும் அதற்கு 2 லட்சம் வரை தேவைப்படும் என்றும் சொல்லி இருக்கிறார்கள்..

தற்போது நிதி நிலைமை சரி இல்லை என்று சொன்னபோது அப்படியெனில் இரண்டொரு மாதத்தில் செய்து விட வேண்டும் என்று சொல்லி இருக்கிறார்கள் ....

சென்னையில் உள்ள செரியன் ஹார்ட் ஆஸ்பிடலில் தான் இவ்வாறு சொல்லி இருக்கிறார்கள் .. தோழமையே ...

குழந்தைகளுக்கான இதய அறுவை சிகிச்சையில் மிக சிறந்த மருத்தவமனை என்று நண்பர்கள் மற்றும் உறவினர்கள் அறிவுரையினால் தான் இந்த மருத்துவமனையை நாடி இருக்கின்றோம் ....

நானும் சேவை நிறுவனங்களை நாடி எதாவது உதவிகள் பெற முடியுமா என்று முயன்று வருகின்றேன் தோழமையே ....

இறை அருளால் எல்லாமும் நல்லவிதமாய் அமையும் என்று நம்புகின்றேன் ...தோழமையே ...

நண்பா, தங்கள் மகன் பூரண குணம் பெற இறைவனிடம் பிரார்த்திக்கிறேன்.. நிச்சயம் உங்கள் மகன் வெகு விரைவில் குணமடைவான். வருந்தாதீர்கள்..