யாரும் உன்னை மறக்கவில்லை!

சாலையோர தேநீர் கடையில்
நமக்கு தழும்ப தழும்ப தேநீர் தந்த
முதியவர் உன்னை மறக்கவில்லை இன்னும்
உன்னை நினைத்து எனக்கு
சர்க்கரை அதிகமிட்டு தேநீர் தருகிறார்..
எப்போதும் சரியான சில்லறை கொடுத்து
பயணசீட்டு வாங்கும் உன்னை
நம்மூர் பேருந்தின் நடத்துனர்
இன்னமும் மறக்கவில்லை
நாம் சேர்ந்தே இறங்கும் இடம் வந்ததும்
பொருள் நிறைந்த பார்வையால்
உன்னை உணர்த்துகிறார்..
விஸ்வநாதர் கோயிலுக்குள்
விளக்கு விற்கும் வயதான அம்மா
என்னை பார்க்கும்போதெல்லாம்
பற்றவைக்கிறாள் உன் நினைவுகளை..
நீ எனக்காக பூ வாங்கும் பூக்காரம்மாவிடம்
இப்போது நான் வாங்குகையில்
பூவோடு சேர்த்து உன் ஞாபகங்களையும்
பொதிந்து தருகிறாள்..
நான் மட்டுமில்லை
உன்னையறிந்தோர் யாரும்
இன்னும் உன்னை மறக்கவில்லை...

மறக்காத கவிதை அருமை

மறக்கமாட்டேன் நானும் இக் கவியை

நன்றி அன்பு உள்ளங்களே..