கண்மூடிப் பழக்கம் எல்லாம் மண்மூடிப் போகட்டும்

by முழுமுதலோன் Thu Dec 26, 2013 3:20 pm

கண்

கண் அளவாய் நின்றதே காணும் கதிர் ஒளிதான்

கண் ஒன்றுதான் அதில் சிலதான் நற்காட்சி காணுமே

கண் சிமிட்டும் நேரக் கனவு இந்த உலகம்

கண் திறந்திட வேண்டும் மண் பயனுற வாழ வேண்டும்

கண் திறந்து நடந்து வாய் திறந்து வாழ்த்தி மண் மேலே புகழானவர் அவர் ஞானி

கண் பார்வை இல்லாதவருக்கு உலகமே இருள்

கண் புதுமையை ரசிக்கிறது காது பழமையை இரசிக்கிறது

கண் புதுமையை விரும்புகிறது காது பழமையை விரும்புகிறது

கண் போனவன் உலகம் இருளென்பான்

கண்கள் அருகே இமையிருக்கும் அந்த விழிகள் இமையை பார்த்ததில்லை

கண்கள் இரண்டிருந்தும் காணுந் திறமையற்ற‌து மடமை

கண்கள் என்பவை கருணையின் இருப்பிடம்

கண்கள் பெரிய ஆபத்தை கானும் மனமே சிறிய ஆபத்தையும் உணரும்

கண்களில் விழுந்த தூசி போல கர்வம் உலகையே மறைக்கும்

கண்களென்ற நிலத்திலே கருணை பயிருற்றால் ஈகை பிறக்கும்

கண்களே நல் வாழ்க்கையின் வாசல்கள் எனப்படும்

கண்களை அகற்றி மிரட்டினால் குழந்தைகளும் பகை கொள்ளும்

கண்காணி இல்லையென்று க்ள்ளம் பல செய்யாதீர் கண்காணி இல்லாத இடமில்லை

கண்ட கனா பொய்யென்று கண் விழித்துக் கான்பாயே

கண்டது காமுறும் உள்ளம் உள்ள மனிதனும் மிருகமே

கண்டதெல்லாம் காட்சி உண்டதெல்லாம் உணவு என்று மயங்குவது மடைமை

கண்டறிந்து மாட்சி உணர்ந்து காலமெல்லாம் உழைத்து வாழ்வது கடமை

கண்டிலாது ஒன்று கண்டோம் எனக் கைக்கூலி கொள்வோர்

கண்டே மனம் வைப்பது கற்பிலை காண்

கண்ண கலமே அவள் கல்வி

கண்ணிரண்டும் விற்றுச்சித்திரம் வாங்கினால் கை கொட்டிச் சிரிப்பாரோ

கண்ணிருந்தும் கல்வியில்லாதவர் குருடரே

கண்ணிலும் எத்தனை நுண்ணியது நம் உள்ளம்

கண்ணிலே அன்பு வளர்த்தால் உலகம் அழகாகத் தெரியும்

கண்ணிலே கண்ணாடி அணிந்தால் உலகம் பசுமையாகத் தெரியும்

கண்ணிலே நம்பிக்கை இருந்தால் கல்லீலே தெய்வம் உண்டு

கண்ணின் அழகு கருணையிலே கண்ணின் மையில் இல்லை

கண்ணின் ஒழுக்கம் கண்ணியம்

கண்ணுக்கு அணிகலம் கண்ணோட்டம்

கண்ணுக்கு அழகு கருணை காலுக்கு அழகு நன்னடத்தை

கண்ணுக்கு கடிவாளமென்பது ஒழுக்கம்

கண்ணுக்கு கண்ணும் கைக்கு கையும் பகையாவது உன் அகந்தையே

கண்ணுக்கு கருணையே மையாகும்

கண்ணுவதல்லால் கவலை படேல் நெஞ்சே நல்வழி.

கண்ணை குத்தியவன் கண்ணை பழிதீர்த்தால் உலகமே குருடாகும்

கண்ணை திற்ந்து கெட்டவர் பலர்

கண்ணை மூடினாலும் அது பார்ப்பதை நிறுத்துவதில்லை

கண்ணை வென்றவனால் தான் துறவறத்தில் நிற்க முடியும்

கண்ணைக் கசக்குபவர் நம் கண்ணை மறைக்க கூடும்

கண்ணையே காத்தாலும் இமையின் அருமை தெரியாது கண்ணுக்கு

கண்ணோக்கி காணாமலே ஆண்டவனை உணர்ந்தவன் ஞானி

கண்ணோடு பிறக்கும் ஒவ்வொரு மனிதனுக்கும் உலகில் ஒரு காட்சியிருக்கிறது

கண்மயக்கால் பிழைப்போர் பலராம்

கண்மூடி உறங்கி விட்டு காலத்தை குறை சொல்வதேன்

கண்மூடி நடந்து வாய் மூடி வாழ்ந்து மண்மூடிப் போனவர் பலகோடி

கண்மூடி மந்திரம் சொல்லி காலம் கழித்தால் வரமாட்டான் காலம்

கண்மூடிப் பழக்கம் எல்லாம் மண்மூடிப் போகட்டும்

Posted by DrBALA SUBRA MANIAN

by ரானுஜா Thu Dec 26, 2013 3:59 pm

பகிர்வுக்கு நன்றி அண்ணா

கண்மூடிப் பழக்கம் எல்லாம் மண்மூடிப் போகட்டும்

கண்மூடிப் பழக்கம் எல்லாம் மண்மூடிப் போகட்டும்

Re: கண்மூடிப் பழக்கம் எல்லாம் மண்மூடிப் போகட்டும்