ஐய்யனார் கவிதைகள்

by கவியருவி ம. ரமேஷ் Mon Jan 06, 2014 9:56 pm

மிகுந்த பாதுகாப்புணர்வுகளோடு
நீ உதிர்க்கும்
ஒவ்வொரு சொல்லும்
பதுங்குவதற்கு குழிகளற்ற
பசுஞ்சமவெளியின்
பிரம்மாண்டம் கண்டு மிரளும்
முயல் குட்டியையே
நினைவுபடுத்துகின்றது.
முயல் மொழியறிந்தோர்
யாராவது சொல்லுங்களேன்
பசுஞ்சமவெளிகளில்
பயங்களில்லை என

by கவியருவி ம. ரமேஷ் Mon Jan 06, 2014 9:57 pm

தோட்டத்து நாகலிங்க பூக்கள்
பின்னிரவு மழையில் கரைந்து
எழுப்பும் வாசம்
தூங்கவிடாமல் செய்துவிடுகின்றது
இந்த கிளர்வில்
இருளை கலைக்காது
மழையை வெறிக்கலாம்
ஆழ புகைக்கலாம்
அத்தோடு
உன்னை முத்தமிட்ட
தருணத்தை நினைத்துக்
கொள்ளலாம்.

by கவியருவி ம. ரமேஷ் Mon Jan 06, 2014 9:57 pm

கூடுகளை விரும்பிடாத
பறவையின் பின்
தொடர்ச்சியாய் பயணித்துக்
கொண்டிருக்கின்றேன்
இளைபாரல்களில் மிகுந்த ஆர்வம்
கொண்டவனேனினும்
இளைப்பாரல்களை
தொலைத்துவிடச் செய்தது
இதுவரை கடந்திடாத
தொலைவுகளை கடந்தபின்னும்
பறவை பறந்துகொண்டிருக்கிறது
வழி தப்பும் பயத்தில்
நானும் தொடர்ந்து
கொண்டிருக்கிறேன்

by கவியருவி ம. ரமேஷ் Mon Jan 06, 2014 9:58 pm

நீளத்தின் கடலும்
கடலின் ஆகாயமும்
ஒன்றென்றேன்
எப்படி யென்றால்
இதழ்களை கவ்வியபடி
முணுமுணுத்தேன்
"முத்தமிடுகையில்"

by கவியருவி ம. ரமேஷ் Mon Jan 06, 2014 9:58 pm

புத்தகங்களாலும் அழுக்குத்
துணிகளாலும்
நிரம்பி கிடக்கும்
என் மொட்டைமாடித் தனியறையில்
இப்போது இரண்டு மீன்கள்
கண்ணாடி தொட்டிக்குள்
உலவுகின்றன
நானில்லாத பொழுதுகளில் அவை
சத்தமாய் பேசி கொள்வதாய்
சொல்கிறார்கள்
இரண்டில் அழகானதிற்கு
உன் பெயர் வைத்திருக்கின்றேன்
ஒரு முறை வந்து
பார்த்துவிட்டுபோயேன்.

by kanmani singh Tue Jan 07, 2014 10:53 am

அனைத்தும் அருமை.. கவிதை முத்துக்கள்!

by Sponsored content

ஐய்யனார் கவிதைகள்

ஐய்யனார் கவிதைகள்

Re: ஐய்யனார் கவிதைகள்

Re: ஐய்யனார் கவிதைகள்

Re: ஐய்யனார் கவிதைகள்

Re: ஐய்யனார் கவிதைகள்

Re: ஐய்யனார் கவிதைகள்

Re: ஐய்யனார் கவிதைகள்