மக்களை குழப்பும் புரளி எஸ்.எம்.எஸ்.,

இரவு 12.30 மணிக்கு செவ்வாய் கிரகத்தில் இருந்து காமா கதிர்கள் நுழைவதால் மொபைல் போன்களை சுவிட்ச் ஆப் செய்ய செல்லி வந்த எஸ்.எம்.எஸ்.,சினால் பலரும் குழப்பமடைந்துள்ளனர். நேற்று இரவு 7 மணிக்கு பிறகு பல்வேறு பகுதியில் இருந்து மொபைல் போன்களுக்கு ஒரு எஸ்.எம்.எஸ்., வந்தது. இதில் இன்று இரவு செவ்வாய் கிரகத்தில் இருந்து காஸ்மோ கதிர்கள் பூமிக்குள் நுழைவதால் 12.30 மணியில் இருந்து 3.30 மணிவரை மொபைல் போன்களை சுவிட்ச் ஆப் செய்து, உங்கள் அருகில் இல்லாமல் தூரத்தில் வைத்து கொள்ளும்படி இதில் கூறியிருந்தது. இந்த எஸ்.எம்.எஸ்., படித்த பலரும் தங்களுக்கு தெரிந்தவர்களிடம் இது குறித்து விசாரித்தனர். யாருக்கும் இது குறித்து தெரியவில்லை என்பதால் எஸ்.எம்.எஸ்.,ல் உள்ளது போல் இரவு மொபைல் போனை சுவிட்ச் ஆப் செய்வதா, வேண்டுமா, என்ற குழப்பம் ஏற்பட்டது. கடந்த சில நாட்களுக்கு முன்னர் மெகந்தி வைத்தவர்களுக்கு பாதிப்பு என்று பரவிய புரளி மக்களிடம் இருந்து மறைவதற்குள், மற்றும் ஒரு புரளி மொபைல் போன் வைத்திருப்பவர்களிடம் பரபரப்பை ஏற்படுத்தியுள்ளது.

தினமலர்