கோடை கவிதைகள் {சென்ரியு }

by ந.கணேசன் Sun Apr 13, 2014 9:46 am

புங்க இலை மறைப்பில்
குளிர்ச்சியா யிருக்கிறது
கூடை நிறைய நுங்கு
*
பதனீர் விற்பவள்
முகத்தில் வழிகிறது
முத்து முத்தாய் வியர்வை.
*
அரைமணிக் கொரு தரம்
குளிக்க வைக்கிறாள்
சலித்துக் கொள்கிறது பூக்கள்.
*
கோடை வெப்பம்
வாய்க்கால் நீரில்
குளிக்கின்றன வாத்துக்கள்.
*
குளிப்பதற்கு நீரில்லை
தவித்து நடக்கின்றன
கூட்டமாய் எருமைகள்.
*

by ந.கணேசன் Fri Apr 18, 2014 9:42 am

வெள்ளரிப் பிஞ்சுகள் { சென்ரியு }
*
கூட்டமாய் இருக்கிறது
குளிர் பானக் கடையில்
சில்லென்று நனைந்த மனம்.
*
தர்பூசணிக்கு
சிறுவன் வைத்தப் பெயர்
“ தொப்பைப் பழம் “.
*
குளிர்ச்சியாகத் தின்ன ஆசை
கையில் வைத்துச் சிரித்தான்
வெள்ளரிப் பிஞ்சுகள்.
*
சித்தப்பாவிற்குப் பிடித்தக்
குளிர்ப் பானம்
நீர்மோர் பானகம்.
*
மனிதன் எப்பொழுதும்
குளிர்ச்சியாக இருப்பதில்லை
குளுமைக் கொடுக்கிறது பழங்கள்.
*

by முழுமுதலோன் Fri Apr 18, 2014 11:56 am

துறைவன் wrote:மனிதன் எப்பொழுதும்
குளிர்ச்சியாக இருப்பதில்லை
குளுமைக் கொடுக்கிறது பழங்கள்.
*

by ந.கணேசன் Fri Apr 18, 2014 12:32 pm

பாராட்டுக்கு நன்றி சார்...

by ந.கணேசன் Mon Apr 21, 2014 3:08 pm

*
தண்ணீர் யுத்தம்...!!
*

குடிநீரின்றித் தவித்தனர்
சுவாமி தரிசனம் முடித்தவர்கள்
பௌர்ணமி இரவு.
*
சேவை நிறுவனம் அமைத்தத்
தண்ணீர் பந்தலில் நீரின்றி
காலியாக இருக்கிறது பானைகள்.
*
எப்பொழுது வரும் என்று
விழித்திருந்தார்கள் ?
மாநகராட்சி குடிநீர் லாரி.
*
குடிநீர் வருவதில்லை
வருடந் தோறும் தண்டம்
குழாய் இணைப்பு வரி்
*
இப்பொழுது நடப்பது
அணு ஆயுத யுத்தமல்ல
குடி தண்ணீர் யுத்தம்.
***

by முரளிராஜா Tue Apr 22, 2014 10:23 am

by ந.கணேசன் Tue Apr 22, 2014 11:48 am

நன்றி முரளிராஜா சார்...

by ந.கணேசன் Wed Apr 23, 2014 10:11 am

பந்து {முலாம்} பழம்…!! {சென்ரியு}
*
மனமோ வக்ரமாய்
வெளியில் தெரிவதில்லை
மாம்பழத்தில் வண்டு.
*
மண் குளிர்ந்தது
வெப்ப சலன மழை
மரங்கள் சிரித்தன.
*
விளையாட முடியாது
குண்டு குண்டான
பந்து {முலாம்} பழம்.
*
தள்ளு வண்டி நிறைய
மண்ணுளிப் பாம்புகளாய்
குளிர்ந்தக் கீரைக்காய்கள்.
*
சுகந்தமணம் குளிர்ச்சியானது
நரம்புக்கு வலிமை தருவது
நாட்டு மருந்து நன்னாரி சர்பத்.
***

by ந.கணேசன் Sat Apr 26, 2014 11:33 am

கேழ்வரகு கூழ்...!!
*
தள்ளு வண்டி அருகில் கூட்டம்
ருசித்துக் குடிக்கிறார்கள்
கேழ்வரகுக் கூழ்.
*
பேரூந்து நிழற் குடையின் கீழ்
படுத்து ஓய்வெடுக்கிறாள்
அனாதைக் கிழவி.
*
அம்மன் தீமிதி விழா
தீச்சூவாலைக் கனிந்திருந்தது
திடீரென வந்தது கோடைமழை.
*
வாலிபர்கள் கிரிக்கெட் விளையாடும்
மைதானமாகி விட்டது
நீரில்லாத ஏரி.
*
மாதம் மும் மாரி
குடிநீர் விநியோகித்து
சாதனைப் புரிகிறது மாநகராட்சி.
*****

by முழுமுதலோன் Sat Apr 26, 2014 12:02 pm

by ந.கணேசன் Sat May 03, 2014 9:01 am

*
மின்மினிப் பூச்சிகள்…!!
*
சித்திரைப் பௌர்ணமி
சொக்கன் சொக்கி கல்யாணம்
தரிசனம் செய்தாள் கன்னிப்பெண்.
*
குடிநீர் பற்றாக்குறைப் போக்கும்
அவசர ஆலோசனைக் கூட்டத்தில்
கலந்துக் கொண்டன யானைகள்.
*
உடல் ஆரோக்கியக்கிய முகாம்
கோடை உணவு குறிப்புகள்
வாசித்துச் சிரித்தன பறவைகள்.
*
மின்வெட்டுப் பிரச்சினைக்குத்
தீர்வுக்கான அறிக்கை சமர்ப்பித்தது
மின்மினிப் பூச்சிகள்.
*
சின்னச் சின்னதாய் சிவந்து
வெயில் கட்டிகள்
துடித்து அழுகிறது குழந்தை.
***

by முரளிராஜா Sat May 03, 2014 3:07 pm

அனைத்தும் அருமை

by ந.கணேசன் Sat May 03, 2014 6:35 pm

பாராட்டுக்கு நன்றி முரளிராஜா சார்...

by Sponsored content

கோடை கவிதைகள் {சென்ரியு }

கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }

Re: கோடை கவிதைகள் {சென்ரியு }