சிஏஜி எனப்படும் மத்திய கணக்குத் தணிக்கை அதிகாரி வினோத் ராய் சமர்ப்பித்த மூன்று தணிக்கை அறிக்கைகள்

1. நாட்டின் நிலக்கரிச் சுரங்கங்களை அதிக விலைக்குக் கேட்பவர்களுக்கு ஏலத்தில் விடாமல், தனியாருக்கு தங்கள் விருப்பப்படி கொடுத்ததால் நாட்டுக்கு ஏற்பட்டுள்ள இழப்பு ரூ 1.86 லட்சம் கோடி இழப்பு (ஆரம்பத்தில் இதனை ரூ 10.7 லட்சம் கோடி என மதிப்பிட்டு, பின்னர் மறுமதிப்பீட்டில் ரூ 1.83 லட்சம் கோடி என்ற முடிவுக்கு வந்திருக்கிறது சிஏஜி).

2. டெல்லி புதிய சர்வதேச விமான நிலையத்தைக் கட்டிப் பராமரிக்கும் தனியார் நிறுவனத்துக்கு, நிலத்தைக் குத்தகைக்குக் கொடுத்த வகையில், ஒரு 1.63 லட்சம் கோடி இழப்பு.

3. தனியார் மின் உற்பத்தி நிறுவனமான ரிலையன்ஸுக்கு நிலக்கரி எடுக்க அனுமதி கொடுத்த வகையில், சுமார் 29 ஆயிரம் கோடி வரை அந்த நிறுவனம் லாபம் அடைந்திருக்கிறது. நியாயமாக இது அரசுக்கு வந்திருக்க வேண்டியது என்பது மூன்றாவது குற்றச்சாட்டு.

ஆக மொத்தம் ரூ 3.78 லட்சம் கோடி!

இந்தத் தொகை முழுவதும் ஊழல் அல்ல… நாட்டுக்கு இழப்பு. ஆனால் இந்த இழப்புத் தொகைக்கு ஈடாக, சம்பந்தப்பட்ட அமைச்சகத்தைச் சேர்ந்தவர்கள் அல்லது அவர்களுக்கும் மேல்மட்டத்தில் உள்ளவர்கள் ஆதாயம் பெற்றிருந்தால், இந்தத் தொகை மொத்தமும் ஊழலாகிவிடும். ஆக, இது ஆண்டுக்கணக்கில் இழுத்துக் கொண்டிருக்கப் போகும் இன்னுமொரு விசாரணை. இதில் குறிப்பிடப்பட்டுள்ள தொகை தோராயமானதுதான். ஆனால் சிஏஜி வினோத்ராய் மீதான சந்தேகங்களையும் தாண்டி, இழப்புக்கான முகாந்திரங்கள் நம்பும்படி இருப்பது கவனிக்கத்தக்கது!

நன்றி : Envazhi