மகாகணபதியை மனதால் வணங்கி வளமான வாழ்வு பெறுவோம்

நொண்டியும் குருடனுமான இரட்டையர்கள்
ஒரு தனவந்தரைப் புகழ்ந்து பாடி பொன்னும்
பரிசுப்பொருட்களும் பெற்றுக் கொண்டார்கள்.

ஒரு காட்டு வழியே தம் வீட்டிற்குத் திரும்பிய
அவர்கள் வழியில் இரவானதால் அங்கிருந்த
பிள்ளையார் கோயிலில் தூங்கிக்கொண்டிருந்தனர்.

அப்போது ஒரு திருடன் இவர்களின் பொருட்களைக்
களவாடி அவனும் கோயிலின் ஒரு பக்கமாய்
ஒதுங்கியிருந்தான். இரட்டையர் கண் விழித்ததும்
பணம் திருடு போனதை அறிந்து வருந்தினார்கள்.
பிள்ளையாரைப் பார்த்து

தம்பியோ பெண் திருடி தாயாருடன் பிறந்த
வம்பனோ நெய் திருடும் வாயன் என்றார் மூத்தவர்.

உடனே இளையவர் அம்புவியில் மூத்த பிள்ளையாரே!
முடிச்சு அவுத்தீர்!
போமோ கோத்திரத்துக்குள்ள குணம் என்று பாடி
முடித்தார்.

அதைக் கேட்ட மறைந்திருந்த திருடன் திகைத்தான்.
அவனும் பிள்ளையார் பக்தன். நாம் திருடியிருக்க
இந்த பிள்ளையாருக்கு கெட்ட பெயர் வரக்கூடாது
என்று பொன்னையும் பொருளையும் அவர்களிடம்
தந்து மன்னிப்புக் கேட்டான்.

இப்படி எப்படி வேண்டுமானாலும் ஆராதிக்கக் கூடிய
தெய்வம் பிள்ளையார்.
-
-----------------------------------------------
(படித்ததில் பிடித்தது)