நவநீதம் பிள்ளை தென் ஆப்ரிக்காவின் முதல் பெண் நீதிபதி

நவநீதம் பிள்ளை தென் ஆப்ரிக்காவின் முதல் பெண் நீதிபதியான தமிழ் வம்சாவளிப் பெண்! நிறவெறி மிகுந்த தென் ஆப்ரிக்காவில், இந்தியப் பெண்ணான இவர், நீதிபதியாக உயர்ந்ததே மாபெரும் சாதனை தான். இப்போது, சர்வதேச குற்றவியல் நீதிமன்றத்தின் நீதிபதியாக உள்ளார். அகில உலகமும் ஆச்சரியத்துடன் பார்க்கும் உயரத்தில் ஜொலிக்கிறார் இந்த நீதி தேவதை.
இவர் பிறந்தது, வளர்ந்தது எல்லாமே தென் ஆப்ரிக்காவில் தான். ஏழை குடும்பத்தில், ஒரு பஸ் டிரைவரின் மகளாக பிறந்த இவரை, உலகப் புகழ் பெற்ற ஹார்வர்ட் யுனிவர் சிட்டி வரை சென்று, சட்டம் படிக்கச் செய்தது இவருடைய அம்மா தான்.

"என் அம்மாவை, என் தாத்தா பள்ளிக்கு அனுப்பவில்லை, எழுத, படிக்க தெரிந்துவிட்டால், யாருக்காவது காதல் கடிதம் கொடுத்து விடுவாரோ என்ற பயம் தான் காரணம். தனக்கு நேர்ந்த கொடுமை எங்களுக்கு ஏற்பட்டு விடக் கூடாது என்பதில் அம்மா மிகுந்த கவனத்துடன் இருந்தார். பெண்களுக்கு கல்வியும், சுதந்திரமும் அவசியம் என்று அவர் நம்பியதால்தான், இன்று நான் இப்படி ஒரு பதவியில் வந்து உட்கார்ந்திருக்கிறேன்...' என்கிறார்.

கடந்த 1950-களில் வழக்கறிஞராக பணியாற்ற ஆரம்பித்தபோதே, நிற வெறிக்கு எதிராக மிகுந்த உறுதியுடன் குரல் எழுப்பினார் நவநீதம் பிள்ளை. இதற்காக அப் போதைய தென் ஆப்ரிக்காவை ஆண்ட வெள்ளை யர்களால் இவர் சந்தித்த பிரச்னைகள் ஏராளம். ஒரு கட்டத்தில் இவருடைய பாஸ்போர்ட் முடக்கி வைக்கப்பட்டது. அதற் கெல்லாம் அசந்துவிடா மல், சட்டத்தின் மூலமே தன்னைத் தற்காத்துக் கொண்டதோடு, நிறவெறி யால் பாதிக்கப்பட்டவர்களுக்கு விடிவெள்ளி யாகவும் விளங்கினார்.
கடந்த 1992ல் தன்னுடன் வேலை பார்த்த சக வழக் கறிஞர்கள் இருவர் துணை யுடன், "ஈக்வாலிட்டி நவ்' என்ற பெண்களுக்கான மனித உரிமை அமைப்பை தோற்றுவித்து, பெண் களின் நலனுக்காகவும் போராடி வருகிற இவர், கறுப்பு இன மக்களின் மனதில், எவரெஸ்ட்டாக உயர்ந்து நிற்கிறார். "இந்த சாதனைக்குப் பின்னால் நிச்சயம் என் கணவர் பரஞ்ஜோதியின் பங்கும் இருக்கிறது. அவரும் வழக்கறிஞர்தான். நிற வெறிக்கு எதிராக அவர் வாதாடியதால் ஐந்து மாதங் கள் சிறையில் தள்ளப்பட் டார். இப்போது அவர் உயிருடன் இல்லை என்றா லும், என் மனதிலும், நினைவிலும் வாழ்ந்து கொண்டுதான் இருக்கிறார்...' என்று உணர்வுப்பூர்வமாக தன் கணவரை நினைவு கூறுகிறார்.

"ஒரு காலத்தில் வெள்ளையர் எங்களை, "பிளாக் பியூட்டி' என்று அழைத் தனர். ஆனால், குதிரை களைத்தான் அப்படி அழைப்பர் என்று தெரிய வந்தபோது, அந்த வார்த்தையையே நான் வெறுத் தேன். அப்படி, அவர்களின் ரத்தத்திலேயே கலந்திருக் கும் நிறவெறிக்கு முற்றுப் புள்ளி வரும் என, நான் நினைத்துக்கூட பார்த்ததில்லை. இப்போது உள்ள குழந்தைகளுக்கு நிறவெறி என்றால் என்ன என்று கூட தெரியவில்லை. அது தான் எங்களின் வெற்றி...' என்று கண்களை மூடி சிரிக்கிறார் இந்த, 66 வயதான நீதிபதி. நீதி என்றும் யாருக்கும் மறுக்கப்படுவதில்லை என்பது உண்மை தான்!


தினமலர்

பகிர்ந்தமைக்கு நன்றி ஜெயம்

நன்றி அண்ணா.

பகிர்ந்தமைக்கு நன்றி அண்ணா