அறிவுரைகள் - கவிஞர் வைரமுத்து

by rammalar Tue Mar 25, 2014 5:42 pm

புதுமனைவியின்
தாய்மை

புதுத்தொழிலில்
லாபம்

இரண்டையும்
மூன்றாண்டு
எதிர்பாராதே
````````````````````````````

மாட்டுவால் சூப்
மன்மத பானமாம்

துரும்பும் அதனால்
இரும்பாய் மாறுமாம்

இப்போது புரிகிறது

மாடு பிடித்தவனுக்கே
மணமகள் ஏன் என்று
`````````````````````````````

எப்போதும் கைக்குட்டை
இரண்டு கொள்

தும்மலுக்கொன்று
தூய்மைக்கொன்று
``````````````````````````````
`````````````

by rammalar Tue Mar 25, 2014 5:44 pm

நாய் குரைத்தால்
ஓடாதே

அச்சப்படல்
நாய்க்கு
அழைப்பு மடல்

எளியதன் பலவீனம்
வலியதன் பலம்
``````````````````````````````

பயணமா?

பெட்டியிலும்
வயிற்றிலும்
காலியிடம்
இருக்கட்டும்
``````````````````````````````

தடுமனா
மருந்து-சாப்பாடு

காய்ச்சலா
மருந்து - பட்டினி
``````````````````````````````

by rammalar Tue Mar 25, 2014 5:45 pm

பெரிய மனித
தரிசனமா?

அதிகாலை போ

இல்லையேல் ..

அவனினும் பெரியோன் தேடி
அவன் போயிருப்பான்
```````````````````````````````

ரகசியமா?

காதலிக்குச் சொல்

ஒரு காதில் வாங்கி
மறு காதில் விடுவாள்

மனைவிக்குச்
சொல்லாதே

இருகாதில் வாங்கி
வாய் வழி விடுவாள்
```````````````````````````````

by rammalar Tue Mar 25, 2014 5:45 pm

பல்துலக்கும் போதே
உன்
சீப்புக்கும் பல் துலக்கு

தலையில் உள்ள
மண்ணுக்குச்
சாட்சி வேறு எதற்கு?
`````````````````````````````````

உருவு கண்டு எள்ளாதே

ஒவ்வொரு விதையிலும்
ஒரு விருட்சம் ஒளிந்திருக்கிறது

அக்பரின் பிரசவம்
பாலைவனத்தில்
நிகழ்ந்திருக்கிறது.
``````````````````````````````````

by Sponsored content

அறிவுரைகள் - கவிஞர் வைரமுத்து

அறிவுரைகள் - கவிஞர் வைரமுத்து

Re: அறிவுரைகள் - கவிஞர் வைரமுத்து

Re: அறிவுரைகள் - கவிஞர் வைரமுத்து

Re: அறிவுரைகள் - கவிஞர் வைரமுத்து

Re: அறிவுரைகள் - கவிஞர் வைரமுத்து