முதுமையை வெல்வோம்

by முழுமுதலோன் Wed Mar 26, 2014 1:07 pm

முதுமையை வெல்வோம்

சிலர் எண்பது வயதிலும் சுறுசுறுப்பாக உற்சாகமாக வாழ்கிறார்கள். பலர் நாற்பது வயதிலேயே தளர்ந்து நம்பிக்கையின்றி விரக்தியில் ஏன் பிறந்தோம் என்ற மன நிலையில் வாழ்கிறார்கள்.

இது ஏன்? வயதா? மனமா? முதுமை என்பது வயதைப் பொறுத்தது என்பதை விட மனதைப் பொறுத்தது என்பதே சரி. வயதாவதால் உடலில் சில மாற்றங்கள் ஏற்படும். ஆனால் அதுவே முதுமையாகி விடாது. மின்சாரத்தை கண்டுபிடித்த எடிசன் உள்பட எண்ணற்ற சாதனையாளர்கள் 60 வயதிற்குப் பின்னர்தான் மாபெரும் செயல்களை செய்து உலகை மாற்றியுள்ளனர். அப்படியானால் குழந்தை, சிறுவன், வாலிபன், குடும்பஸ்தன், நடுவயது, முதியோர், மூப்பு என்று ஒவ்வொரு கட்டமாக மனித வாழ்க்கை முன்னேறி வருகிறது.

மூப்பு எய்தும்போது சில நோய்களோ, தவிர்க்கமுடியாத பிரச்சினைகளோ வந்து விட்டதற்காக அதை நினைத்து வேதனைப் படுவது மனிதன் பின்னோக்கி வாழ்வதைப் போன்றது.

அதற்கு தனிமையைத் தவிர்த்தல், அன்பானவர்களை சேர்த்துக் கொள்தல், புத்தகம் படித்தல், புதியவற்றைச் செய்தல், பாட்டுப்பாடுதல், ஆடுதல், உடற்பயிற்சி, யோகா, தியானம், சரியான உணவுமுறை, பொருளாதார சேமிப்பு, மருத்துவ ஆலோசனை மற்றும் சிகிச்சை போன்றவற்றை செய்தாலே போதும்.

வாழ்க்கையே ஒரு திருவிழா. இறுதிவரை கொண்டாட்டம்தான்.

முகநூல்