அஷ்டலெட்சுமி தோத்திரம்

by முழுமுதலோன் Sat Apr 05, 2014 10:12 am

ஆதிலட்சுமி
----------------

காண்பதன் காட்சி யாவும்
கண்டிடு கண்ணும் ஆவள்
மாண்பதன் மாண்பாய் ஆன
மலர்வணம் அவளே அன்றோ?
தோன்றிடும் உயிர்க்கு லங்கள்
தோற்றமும் ஆத்மா தானும்
ஏற்றவள் ஆதி லட்சுமி
இணையடி வணங்குகின்றோம்.

பிள்ளைப்பேறு தரும் சந்தானலட்சுமி
------------------------------------------------

புத்திரப் பேறு வேண்டின்
பொங்கிடும் இன்பம் வேண்டின்
நித்திரை சுகமும் வேண்டின்
நின்மலைசந் தான லட்சுமி
பொற் பதம் பணிந்தால் போதும்
போதவும் அன்பின் அன்னை
கற்பகம் போலே வந்து
கருதியே காப்பாள் மாது.

பொற்கலசம் அமைந்த கஜலட்சுமி
--------------------------------------------

ஓம்மறைப் பொருளும் நீயே!
உன்னதம் நீயே நீயே!
'தாம்' என மலர்ந்த தான
தன்மையும் நீயே நீயே!
நாற்கரம் கொண்ட தேவீ!
நலம் தர வந்த கண்ணே!
வான்மழை நீயேயன்றோ?
வளர்பொழில் தருக மாதே!

செல்வத்தைத் தரும் தனலட்சுமி
------------------------------------------

பொன்பொருள் வேண்டும் என்றால்
பூரிப்புக் காண வெனறால்
அன்பர்கள் போற்றி செய்யும்
அன்னையைத் துதிக்க வேண்டும்
நன்பொருள் ஆன நங்கை
நலம்தரும் தனலட்சுமியை
அன்பொடு வழிபட் டோர்கள்
அவள் விழிக் கருணை கொள்வார்.

தானியங்களைத் தரும் தான்யலட்சுமி
-------------------------------------------------

தானியம் இல்லை யென்றால்
மானமும் வாய்ப்ப தேது?
வானிலை யென்று சொன்னால்
வசியது வாய்ப்ப தேது?
வள்ளலும் தானே ஆகி
ஊனமில் பயிரும் ஆன
ஒருவளை வணங்கு வோமே.

வெற்றி நல்கும் விஜயலட்சுமி
-----------------------------------------

வீரமும் அன்பு தானும்
விரும்பிடா மனிதர் உண்டோ?
வீரமே விளைக்கும் வெற்றி
வெற்றியின் உருவே அன்னை
ஈரமே கொண்ட அன்னை
இதனையே அளிக்க என்று
சாரமாய்ப் போற்றி செய்வோம்
சத்தியம் வெற்றி வாய்க்கும்.

கரங்கள் எட்டால் காக்கும் சிறீ மகாலட்சுமி
---------------------------------------------------------

மகத்துவ மிக்க தாகி
மன்னிடும் சித்தி புத்தி
இகத்தினில் போக பாக்யம்
இணையன தருத லோடே
முகமலர்ந் தின்ப மாக
முக்தியும் ஈயும் அன்னை
மகாந்ர ரூப சக்தி
மகாலக்சுமி போற்றி போற்றி.

வீரம் நல்கும் வீரலட்சுமி
----------------------------------

புடமிட்ட பொன் போல் மேனி
பொன்னென விளங்கும் கச்சு
திடமுறை ஒன்பான் பனையின்
மரங்களின் முன்னர் நிற்பாள்
வெற்றிலை மாலை பூண்ட
வீரமாம் வீரலக்சுமி
கற்றவர் போற்றும் அன்னை
கருணையள், பணிகுவோமே.

aanmigam

by sreemuky Sat Apr 05, 2014 2:23 pm

அஷ்டலெட்சுமி தோத்திரம்

அஷ்டலெட்சுமி தோத்திரம்

Re: அஷ்டலெட்சுமி தோத்திரம்